മുഖ്യമന്ത്രി പിണറായി വിജയനെ അപായപ്പെടുത്തുമെന്ന് ഫോണ്‍ ഭീഷണി

തിരുവനന്തപുരം : കേരളാ മുഖ്യമന്ത്രി പിണറായി വിജയനെ അപായപ്പെടുത്തുമെന്ന് ഭീഷണി ഫോണ്‍ സന്ദേശം. പോലീസ് മര്‍ദ്ദനത്തില്‍ ഉടന്‍ നടപടി എടുത്തില്ലെങ്കില്‍ മുഖ്യമന്ത്രിയെ അപായപ്പെടുത്തുമെന്നായിരുന്നു ഫോണിലൂടെയുള്ള ഭീഷണി. മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിലെ ഫോണിലേക്കാണ് സന്ദേശം എത്തിയത്. ഇന്ന് ഉച്ച തിരിഞ്ഞ് ആണ് സംഭവം നടന്നത്. ഫോണ്‍ വിളി എത്തിയത് കോട്ടയത്തു നിന്നാണെങ്കിലും ആരാണ് വിളിച്ചതെന്നോ മറ്റ് കൂടുതല്‍ വിവരങ്ങളോ അറിയാന്‍ സാധിച്ചിട്ടില്ല. മുഖ്യമന്ത്രിയുടെ വസതിയില്‍ നേരിട്ടെത്തിയ ഭീഷണി സന്ദേശത്തിൽ പോലീസ് അന്വേഷണം ഊർജ്ജിതമാക്കിട്ടുണ്ട്.