പത്തനംതിട്ട : കരിമല വഴിയുളള കാനനപാതയില് തീര്ഥാടകരെ കടത്തിവിടുന്ന സമയ ക്രമത്തിലും മാറ്റം വരുത്തിയതായി എഡിഎം അറിയിച്ചു. ഒരു മണിക്കൂര് കൂടി അധിക സമയം അനുവദിക്കും. എരുമേലി കോയിക്കല്ക്കടവില് നിന്നും രാവിലെ 5.30 മുതല് 11.30 വരെ തീര്ഥാടകരെ പ്രവേശിപ്പിക്കും. അഴുതക്കടവ്, മുക്കുഴി എന്നിവിടങ്ങളില് നിന്നും രാവിലെ ഏഴു മുതല് ഒരു മണി വരെയും തീര്ഥാടകരെ കടത്തിവിടും.
മകരവിളക്ക് ഉത്സവം അടുക്കാറായതും തീര്ഥാടകരുടെ എണ്ണത്തില് വന്ന വര്ധനവും കണക്കിലെടുത്താണ് കാനനപാത വഴിയുളള തീര്ഥാടന സമയം പുന:ക്രമീകരിച്ചത്. കാനനപാതയിലൂടെ ഇതുവരെ ഏകദേശം 6000 പേര് പമ്പയിലെത്തിയിട്ടുണ്ട്. തിങ്കളാഴ്ച്ച 1532 പേരാണ് ഇതു വഴി എത്തിയത്.
