പത്തനംതിട്ട : പിണറായി സര്ക്കാര് ജനങ്ങളുടെമേല് അധിക നികുതി വര്ദ്ധിപ്പിച്ച് ജനങ്ങളെ കൊള്ളയടിച്ച് ദ്രോഹിക്കുകയാണെന്ന് കെ.പി.സി.സി രാഷ്ട്രീയകാര്യ സമിതി അംഗം പ്രൊഫ. പി.ജെ കുര്യന് പ്രസ്താവിച്ചു. അമിത നികുതി വര്ദ്ധിപ്പിച്ച് ജനങ്ങളെ ബുദ്ധിമുട്ടിക്കുന്ന സര്ക്കാര് ധൂര്ത്തും അഴിമതിയും നടത്തി ഖജനാവ് കാലിയാക്കുകയും വികസനപ്രവര്ത്തനങ്ങളെല്ലാം തടസ്സപ്പെടുത്തുകയുമാണ്. പാവപ്പെട്ടവരുടെ പേരില് അധികാരത്തില് വന്ന ഇടതുപക്ഷസര്ക്കാര് സാധാരണക്കാരെ കഴിയുന്നത്ര ദ്രോഹിക്കുകയാണന്നും പ്രൊഫ. പി.ജെ കുര്യന് പറഞ്ഞു. നികുതി വര്ദ്ധനവിനെതിരെ യു.ഡി.എഫ് നടത്തിയ കരിദിനത്തിന്റെ ജില്ലാതല ഉദ്ഘാടനം പത്തനംതിട്ട ഗാന്ധി സ്ക്വയറില് നിര്വഹിച്ച് പ്രസംഗിക്കുകയായിരുന്നു അദ്ദേഹം.
യു.ഡി.എഫ് ജില്ലാ ചെയര്മാന് വിക്ടര് റ്റി തോമസിന്റെ അധ്യക്ഷതയില് ചേര്ന്ന യോഗത്തില് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില്, കെ. ശിവദാസന് നായര് എക്സ്. എം.എല്.എ, യു.ഡി.എഫ് ജില്ലാ കണ്വീനര് എ. ഷംസുദ്ദീന് ഘടകകക്ഷി നേതാക്കളായ റ്റി.എം ഹമീദ്, ജോര്ജ് മാമ്മന് കൊണ്ടൂര്, മലയാലപ്പുഴ ശ്രീകോമളന്, അനീഷ് വരിക്കണ്ണാമല, എ. സുരേഷ്കുമാര്, സുനില്കുമാര്, സനോജ് മേമന, വെട്ടൂര് ജ്യോതിപ്രസാദ്, ജോണ്സണ് വിളവിനാല് തുടങ്ങിയവര് പ്രസംഗിച്ചു.
അബാന് ജംഗ്ഷനില് നിന്നാരംഭിച്ച പ്രകടനത്തിന് സജി കൊട്ടയ്ക്കാട്, ജാസിംകുട്ടി, അഡ്വ. സുനില് എസ്. ലാല്, റോജി പോള് ദാനിയേല്, രഘുനാഥ് കുളനട, എം.എസ് സിജു, ലിജു ജോര്ജ്ജ്, എലിസബത്ത് അബു, കെ.എന്. രാധാചന്ദ്രന്, അബ്ദുള് കലാം ആസാദ്, അന്സര് മുഹമ്മദ്, ഷാനവാസ് പെരിങ്ങമല, റനീസ് മുഹമ്മദ്, സജി അലക്സാണ്ടര്, സജി വര്ഗ്ഗീസ്, കെ.പി മുകുന്ദന്, ജേക്കബ് ശാമുവേല്, നഹാസ് പത്തനംതിട്ട, പി.കെ ഗോപി, അജിത് മണ്ണില്, പി.കെ ഇക്ബാല്, അഖില് അഴൂര് ആനിസജി, തുടങ്ങിയവര് നേതൃത്വം നല്കി.
