തിരുവനന്തപുരം: തൊഴിലാളികള്ക്ക് ശമ്പളം കൊടുക്കാന് പണമില്ലാത്ത സര്ക്കാര് ഒരു വര്ഷത്തിനുള്ളില് 500 ഇലക്ട്രിക് ബസ്സുകള് വാങ്ങാന് പദ്ധതിയിടുന്നു. 450 കോടി രൂപ പ്രതീക്ഷിക്കുന്ന പദ്ധതിക്കായി ടെന്ഡര് നടപടികള് ആരംഭിച്ചിട്ടുണ്ട്. നിലവില് കേരളത്തില് കരാറായ 50 ഇലക്ട്രിക് ബസുകള് നിലനില്ക്കെയാണ് പുതിയ ബസ്സുകള്ക്കായി സര്ക്കാര് നീക്കം ശക്തമാകുന്നത്.
സംസ്ഥാനത്ത് നിലവിലുള്ള ഇ-ബസുകളെല്ലാം തന്നെ ഒറ്റ ചാര്ജില് ഓട്ടം പൂര്ത്തിയാക്കുന്നവയാണ്. ഇതിന് പകരം ഡിപ്പോകളില് കരുതല് ബാറ്ററികള് സൂക്ഷിക്കുകയും അവ ഉപയോഗിച്ച് സര്വ്വീസ് തുടരുകയും ചെയ്യുന്ന സംവിധാനമായിരിക്കും ഇനി സര്ക്കാര് 500 ബസ്സുകള് വഴി നടപ്പിലാക്കാന് ശ്രമിക്കുന്നത്. ഇടയ്ക്കിടെ ചാര്ജ് ചെയ്യുന്നത് കൊണ്ട് തന്നെ റീ ചാര്ജിന് ഏറെനേരം വേണമെന്ന പരിമിതിയും ഇവിടെ മറികടക്കാനാകുമെന്നാണ് സര്ക്കാര് കരുതുന്നത്.
തിരുവനന്തപുരം നഗരത്തില് മാത്രം 70 സ്വിഫ്ട് ബസ്സുകള് ഓടിക്കുമെന്നാണ് സര്ക്കാര് നല്കുന്ന വാഗ്ദാനം. അതില് അന്പതും ഇലക്ട്രിക് ബസ്സുകളായിരിക്കും. കെ.എസ്.ആര്.ടി.സി സ്വിഫ്ടിനെതിരെയുള്ള കേസുകള് ഹൈക്കോടതി തള്ളിയതോടെയാണ് പുതിയ ബസുകള് വാങ്ങാന് സര്ക്കാര് തീരുമാനമായത്.