പത്തനംതിട്ട: ജീവനക്കാരെ എങ്ങനെ ദ്രോഹിക്കാമെന്ന് ദിവസവും ഗവേഷണം നടത്തുന്ന ഗവൺമെന്റാണ് ഇന്ന് അധികാരത്തിലിരിക്കുന്നതെന്നും സർക്കാർ ജീവനക്കാരെയും പെൻഷൻകാരെയും ഇത്രയധികം ദ്രോഹിച്ച ഒരു ഗവൺമെന്റ് കേരളത്തിന്റെ ചരിത്രത്തിലുണ്ടായിട്ടില്ലെന്നും ഡിസിസി പ്രസിഡന്റ് പ്രൊഫ.സതീഷ് കൊച്ചുപറമ്പിൽ പറഞ്ഞു. ജീവനക്കാർക്ക് കിട്ടേണ്ട ക്ഷാമബത്ത, ശമ്പള പരിഷ്കരണം, ലീവ് സറണ്ടർ തുടങ്ങിയ ആനുകൂല്യങ്ങൾ നൽകാതെ 65,000 കോടി രൂപയോളം സർക്കാർ കൊള്ളയടിച്ചെന്നും അദ്ദേഹം പറഞ്ഞു. എൻജിഒ അസോസിയേഷൻ സംസ്ഥാന പ്രസിഡന്റ് എ എം ജാഫർഖാൻ നയിക്കുന്ന നവജീവന യാത്രയുടെ ജില്ലാതല ഉദ്ഘാടനം കളക്ട്രേറ്റ് പടിക്കൽ നിർവഹിച്ച് സംസാരിക്കുകയായിരുന്നു അദ്ദേഹം.
ജില്ലാ വൈസ് പ്രസിഡന്റ് എസ് കെ സുനിൽ കുമാർ അധ്യക്ഷത വഹിച്ചു. ഡിസിസി വൈസ് പ്രസിഡന്റ് അഡ്വ.എ സുരേഷ് കുമാർ, ജില്ലാ പഞ്ചായത്ത് വൈസ് പ്രസിഡന്റ് അനീഷ് വരിക്കണ്ണാമല, എൻജിഒ അസോസിയേഷൻ സംസ്ഥാന ഭാരവാഹികളായ പി എസ് വിനോദ് കുമാർ, ഉമാ ശങ്കർ, ബി പ്രദീപ് കുമാർ, എ പി സുനിൽ, വി പി ബോബൻ, കെ പി ജാഫർ, അനിൽ ബാബു, ഷിബു മണ്ണടി, ബിജു സാമുവൽ, ജി ജയകുമാർ, അൻവർ ഹുസൈൻ, ഐഎൻടിയുസി ആറന്മുള നിയോജക മണ്ഡലം പ്രസിഡന്റ് അജിത്ത് മണ്ണിൽ, നാസർ തോണ്ടമണ്ണിൽ, കെഎസ്യു ജില്ലാ പ്രസിഡന്റ് അലൻ ജിയോ മൈക്കിൾ തുടങ്ങിയവർ പ്രസംഗിച്ചു.
