കോഴിക്കോട് : ഫേസ്ബുക്ക് കവർ ഫോട്ടോമാറ്റി പിണറായി വിജയൻ. ജനങ്ങളെ അഭിവാദ്യം ചെയ്യുന്ന ഫോട്ടോയാണ് പുതിയ കവർ ഫോട്ടോ. അതേസമയം, പ്രതിപക്ഷ നേതാവ് സ്ഥാനത്തേക്ക് പിണറായി വിജയൻ വരുമെന്ന വാർത്തകളും പുറത്തുവന്നിരുന്നു. പിണറായി വിജയൻ ആ സ്ഥാനത്തേക്ക് വരണമെന്ന ആവശ്യം പാർട്ടിക്കുള്ളിലുണ്ട്. ഇക്കാര്യത്തിൽ പിണറായി വിജയന്റെ നിലപാട് നിർണായകമാകും. താനില്ല എന്ന കർശന നിലപാട് പിണറായി സ്വീകരിച്ചാൽ മാത്രം കേന്ദ്ര കമ്മിറ്റി അംഗമായ കെ.എൻ ബാലഗോപാലിലേക്ക് ചർച്ച എത്തിപ്പെടും.
മുഖ്യമന്ത്രിയെ യുഡിഎഫ് ആദ്യം തെരഞ്ഞെടുക്കട്ടെയെന്ന് എല്ഡിഎഫ് കണ്വീനര് ടി.പി രാമകൃഷ്ണന് പറഞ്ഞു. പ്രതിപക്ഷ നേതാവ് ഇല്ലാത്തത് കൊണ്ട് ഇവിടെ എന്തെങ്കിലും പ്രശ്നമുണ്ടോയെന്നും ടി.പി രാമകൃഷ്ണന് ചോദിച്ചു. പ്രതിപക്ഷ ഉപനേതാവ് എന്ന വിഷയം എന്റെ മുന്നിലില്ല. അക്കാര്യം സിപിഐയോട് തന്നെ ചോദിക്കണം. അവര്ക്ക് അങ്ങനെയൊരു ആവശ്യമുണ്ടോയെന്ന് അറിയില്ലെന്നും ടിപി രാമകൃഷ്ണന് പറഞ്ഞു.
