തിരുവനന്തപുരം : ഡൽഹിയിൽ നടന്ന പ്രതിഷേധ സമരത്തിനിടെ അറസ്റ്റിലായ പ്രതിപക്ഷനേതാവ് പിണറായി വിജയന് തലസ്ഥാനത്ത് സ്വീകരണം നൽകാൻ സിപിഎം. ഇന്ന് തിരുവനന്തപുരത്ത് മടങ്ങിയെത്തുന്ന പിണറായിക്ക് സിപിഎം ജില്ലാ കമ്മിറ്റിയുടെ നേതൃത്വത്തിലാണ് സ്വീകരണ പരിപാടി സംഘടിപ്പിക്കുന്നത്. ഗ്യാനേഷ് കുമാറിനെ മാറ്റണമെന്ന് ആവശ്യപ്പെട്ട് ഡൽഹിയിൽ സംഘടിപ്പിച്ച പ്രതിഷേധത്തിൽ പങ്കെടുത്തതിനെ തുടർന്നായിരുന്നു പിണറായിയെ പോലീസ് അറസ്റ്റ് ചെയ്തത്. ഇന്ന് തിരുവനന്തപുരത്ത് തിരിച്ചെത്തുന്ന അദ്ദേഹത്തിന് ഊഷ്മളമായ വരവേൽപ്പ് നൽകാനാണ് പാർട്ടി തീരുമാനം. സിപിഎം ജില്ലാ കമ്മിറ്റിയുടെ നേതൃത്വത്തിൽ ഇതിനായുള്ള ഒരുക്കങ്ങൾ ആരംഭിച്ചിട്ടുണ്ട്.
പിണറായി വിജയനെ കൂടാതെ സിപിഎം ജനറൽ സെക്രട്ടറി എം.എ ബേബി, ബൃന്ദ കാരാട്ട്, എം.വി ഗോവിന്ദൻ, കെ.എൻ ബാലഗോപാൽ, പി.രാജീവ്, ജോൺ ബ്രിട്ടാസ് തുടങ്ങിയ നിരവധി ഇടതുപക്ഷ നേതാക്കളെയും പോലീസ് കസ്റ്റഡിയിലെടുത്തിരുന്നു. കൂടാതെ മമതാ ബാനർജി, അരവിന്ദ് കെജ്‌രിവാൾ, മണിക് സർക്കാർ തുടങ്ങിയ മറ്റ് പ്രതിപക്ഷ നേതാക്കളെയും പോലീസ് കസ്റ്റഡിയിലെടുത്തിരുന്നു. ജനാധിപത്യപരമായ പ്രതിഷേധങ്ങളെ അടിച്ചമർത്താനും വോട്ടവകാശം അട്ടിമറിക്കാനുമുള്ള കേന്ദ്ര ഗവൺമെന്റിന്റെ നീക്കങ്ങൾക്കെതിരെയാണ് തങ്ങൾ സമരം ചെയ്തതെന്നും, രാജ്യത്തെ ഒരു ‘പോലീസ് സ്റ്റേറ്റ്’ ആക്കി മാറ്റാനാണ് കേന്ദ്രം ശ്രമിക്കുന്നതെന്നും പിണറായി വിജയൻ പ്രതികരിച്ചു. നേതാക്കളെ കസ്റ്റഡിയിലെടുത്ത നടപടിയെ സിപിഎം പോളിറ്റ് ബ്യൂറോ ശക്തമായി അപലപിച്ചിട്ടുണ്ട്.
