ദില്ലി: ബിജെപി അംഗത്വം സ്വീകരിച്ച അനില് കെ. ആന്റണിയെ പുകഴ്ത്തി കേന്ദ്രമന്ത്രി പീയൂഷ് ഗോയല്. അനില് ആന്റണി ബഹുമുഖ പ്രതിഭയെന്നാണ് പീയൂഷ് ഗോയലിന്റെ വാക്കുകള്. രാജ്യതാത്പര്യത്തിനൊപ്പം നിന്നതിന് കോണ്ഗ്രസില് നിന്ന് അപഹാരം നേരിട്ട വ്യക്തിയാണ് അനില് എന്നും കേന്ദ്രമന്ത്രി പറഞ്ഞു. ബിബിസി ഡോക്യുമെന്ററി വിഷയത്തിലും ദേശീയ താത്പര്യത്തിനൊപ്പം നിന്നയാളാണ് അനില്. എന്നാല് ഇതിന്റെ പേരില് സമൂഹമാധ്യമങ്ങളില് അദ്ദേഹം ആക്രമിക്കപ്പെട്ടു. ബിജെപിയുടെ സംസ്ഥാന, ദേശീയ രാഷ്ട്രീയത്തില് വലിയ പങ്കുവഹിക്കാന് അനില് കെ ആന്റണിക്ക് സാധിക്കുമെന്നും പീയൂഷ് ഗോയല് പ്രതികരിച്ചു.
അതേസമയം കോണ്ഗ്രസ് രാജ്യവിരുദ്ധ പാര്ട്ടിയായി മാറിയെന്ന് അനില് ആന്റണി പറഞ്ഞു. നരേന്ദ്രമോദി അഴിമതി രഹിത നേതാവാണെന്നും രാജ്യസേവനത്തിന് ബിജെപി അല്ലാതെ മികച്ച മറ്റൊരു ഇടമില്ലെന്നും അനില് ആന്റണി മാധ്യമങ്ങളോട് പറഞ്ഞു. ബിജെപിയില് ചേര്ന്നതിന് പിന്നാലെയായിരുന്നു കോണ്ഗ്രസിനെ വിമര്ശിച്ച് കൊണ്ടുള്ള അനില് ആന്റണിയുടെ പ്രതികരണം.
