പാലക്കാട് : ചിറ്റൂര് അഞ്ചാംമൈലില് വീടിനുള്ളില് സ്ത്രീയെ മരിച്ചനിലയില് കണ്ടെത്തിയ സംഭവത്തില് കൂടെ താമസിച്ചിരുന്നയാളെ പോലീസ് അറസ്റ്റ് ചെയ്തു. തമിഴ്നാട് ആനമല സ്വദേശി വീരാസ്വാമിയെയാണ് (46) കൊഴിഞ്ഞാമ്പാറ പോലീസ് അറസ്റ്റ് ചെയ്തത്. മുങ്കില്മട ഇന്ദിരനഗര് കോളനിയിലെ ആര്.ജ്യോതിര്മണിയെയാണ് (45) ഞായറാഴ്ച വൈകുന്നേരം അഞ്ചരയോടെ വിടിനുള്ളില് മരിച്ച നിലയില് കണ്ടെത്തിയത്. ഭര്ത്താവുമായുള്ള ബന്ധം വേര്പെടുത്തിയ ജ്യോതിര്മണി ഒരു വര്ഷത്തോളമായി വീരാസ്വാമിയോടൊപ്പം അഞ്ചാംമൈലിലെ പുറമ്പോക്ക് ഭൂമിയില് കുടില് കെട്ടി താമസിച്ചു വരികയായിരുന്നു. മദ്യപിച്ചെത്തിയ വീരാസ്വാമി പരപുരുഷബന്ധം ആരോപിച്ച് മര്ദിക്കുകയും കഴുത്ത് ഞെരിക്കുകയും ചെയ്യുകയായിരുന്നു. പ്രതിയെ ചിറ്റൂര് കോടതിയില് ഹാജരാക്കി റിമാന്ഡ് ചെയ്തു.
