കൊടുങ്ങല്ലൂര് : കൊടുങ്ങല്ലൂരില് പ്ലസ് ടു വിദ്യാര്ഥിയെ കാര്പോര്ച്ചില് തൂങ്ങിമരിച്ച നിലയില് കണ്ടെത്തി. മേത്തല പാലിയംതുരുത്ത് മുല്ലശ്ശേരി ഷൈനിന്റെ മകന് ലക്ഷ്മണ് (18) ആണ് മരിച്ചത്. രാവിലെ വീട്ടുകാരാണ് കാര്പോര്ച്ചില് തൂങ്ങിമരിച്ച നിലയില് ലക്ഷ്മണിനെ കണ്ടെത്തിയത്. ഇരിങ്ങാലക്കുട നാഷണല് സ്കൂള് വിദ്യാര്ഥിയും കായിക താരവുമായിരുന്നു മരിച്ച ലക്ഷ്മണ്. മരണം സംബന്ധിച്ച് കൂട്ടുകാര്ക്ക് വാട്സ്ആപ് സന്ദേശം അയച്ചിരുന്നതായാണ് സൂചന. തൃശൂര് മെഡിക്കല് കോളേജില് പോസ്റ്റ്മോര്ട്ടം നടത്തിയ മൃതദേഹം വൈകീട്ടോടെ സംസ്കരിച്ചു. ചിനുവാണ് മാതാവ്. സഹോദരി: ലക്ഷ്മി നന്ദ. കൊടുങ്ങല്ലൂര് പോലീസ് മേല് നടപടികള് സ്വീകരിച്ചു.
