പേയാട് : പ്ലസ് വണ്‍ വിദ്യാര്‍ഥിയെ വീട്ടില്‍ തൂങ്ങിമരിച്ച നിലയില്‍ കണ്ടെത്തി. പുളിയറക്കോണം അലൈറ്റി പാരഡൈസ് ഹൗസില്‍ അനില്‍ കുമാറിന്റെയും സച്ചുവിന്റെയും മകന്‍ അബി(16)യാണ് ജീവനൊടുക്കിയത്. ശാസ്തമംഗലം ആര്‍.കെ.ഡി.എം. ഹയര്‍ സെക്കന്‍ഡറി സ്കൂള്‍ വിദ്യാര്‍ഥിയാണ്. ഞായറാഴ്ച രാവിലെ മാതാപിതാക്കള്‍ പള്ളിയില്‍ ആരാധനക്കായി വിളിച്ചെങ്കിലും അബി പോകാന്‍ കൂട്ടാക്കിയില്ല.
മടങ്ങി വന്ന മാതാപിതാക്കള്‍ അബി മുറിക്കുള്ളിലെ ഫാനില്‍ തൂങ്ങിനില്‍ക്കുന്നതാണ്‌ കണ്ടത്. ഉടന്‍ പാങ്ങോടുള്ള സ്വകാര്യ ആശുപത്രിയിലെത്തിച്ചെങ്കിലും ജീവന്‍ നഷ്ടപ്പെട്ടിരുന്നു. പ്ലസ് വണ്‍ പരീക്ഷയില്‍ അബിക്ക് 70 ശതമാനം മാര്‍ക്കുണ്ടായിരുന്നു. പ്രതീക്ഷിച്ച മാര്‍ക്കു കിട്ടാത്തതില്‍ മാനസിക സമ്മര്‍ദമുണ്ടായി രുന്നതായി പറയുന്നു. കുട്ടിക്ക്‌ മറ്റെന്തെങ്കിലും മനോവിഷമമുണ്ടായിരുന്നോവെന്ന് അന്വേഷിക്കുമെന്ന് വിളപ്പില്‍ശാല എസ്.എച്ച്‌.ഒ. സുരേഷ്‌ കുമാര്‍ പറഞ്ഞു. മൃതദേഹം മോര്‍ച്ചറിയില്‍.
