നാറാണംമൂഴി : കൃഷിഭവന്റെയും നാറാണംമൂഴി ഗ്രാമപഞ്ചായത്തിന്റെയും നേതൃത്വത്തിൽ സംഘടിപ്പിച്ച ഓണം സമൃദ്ധി 2026 കർഷക ചന്ത ഗ്രാമപഞ്ചായത്ത് പ്രസിഡന്റ് സുനിൽകുമാർ എച്ച്. ഉദ്ഘാടനം ചെയ്തു. ഗ്രാമപഞ്ചാത്ത് അംഗം ഏബ്രഹാം വർഗീസ് അധ്യക്ഷത വഹിച്ചു. ഗ്രാമപഞ്ചായത്ത് വൈസ് പ്രസിഡന്റ് റീന ജയിംസ് ആദ്യ വിൽപ്പന നിർവഹിച്ചു. കൃഷി അസിസ്റ്റന്റ് ജെയ്സൺ സ്വാഗതം ആശംസിച്ചു. ഗ്രാമപഞ്ചായത്ത് അംഗങ്ങളായ ശർമിള ടി.കെ., രവി എം.കെ., മാത്തുക്കുട്ടി ജോർജ്, തോമസ് ജോർജ്, കാർഷിക വികസനസമിതി അംഗങ്ങളായ മോഹൻപിള്ള, അലക്സ് അറക്കമണ്ണിൽ, ജെയിംസ് കക്കാട്ടുകുഴി, എസ്.ആർ.സന്തോഷ്കുമാർ, അനിൽ അറക്കമണ്ണിൽ, സുമി, ലളിത എന്നിവരും കർഷകരും ചടങ്ങിൽ പങ്കെടുത്തു.
മാർക്കറ്റ് വിലയേക്കാൾ 10 ശതമാനം അധിക വില നൽകി കർഷകരിൽ നിന്ന് നേരിട്ട് പച്ചക്കറികൾ സംഭരിച്ച് വിപണി വിലയേക്കാൾ 30 ശതമാനം കുറഞ്ഞ നിരക്കിലാണ് കർഷക ചന്തയിലൂടെ വിൽപ്പന നടത്തുന്നത്. ഓണത്തോടനുബന്ധിച്ചുള്ള വിലക്കയറ്റം നിയന്ത്രിക്കുന്നതിനും ജനങ്ങൾക്ക് വിഷരഹിതമായ പച്ചക്കറികൾ ലഭ്യമാക്കുന്നതിനുമാണ് കർഷക ചന്ത ലക്ഷ്യമിടുന്നത്.
