സിഡ്‌നി: പരസ്പരം പ്രശംസിച്ച് പ്രധാനമന്ത്രി നരേന്ദ്രമോദിയും ഓസ്‌ട്രേലിയന്‍ പ്രധാനമന്ത്രി ആന്റണി ആല്‍ബനീസിയും. നരേന്ദ്രമോദിയെ ബോസെന്നാണ് ആല്‍ബനീസ് വിശേഷിപ്പിച്ചപ്പോള്‍, ആല്‍ബനീസി ഉറ്റ സ്നേഹിതനാണെന്ന് നരേന്ദ്രമോദിയും പ്രതികരിച്ചു. സിഡ്നിയില്‍ കലാപരിപാടികളടക്കം ഒരുക്കിയാണ് പ്രധാനമന്ത്രിയെ ഇന്ത്യന്‍ വംശജര്‍ സ്വാഗതം ചെയ്ത്.
സിഡ്നിയില്‍ ധാനമന്ത്രി നരേന്ദ്രമോദിക്ക് ഊഷ്മളമായ സ്വീകരണമാണ് ഇന്ത്യന്‍ സമൂഹം ഒരുക്കിയത്. പ്രശസ്ത റോക്ക്സ്റ്റാര്‍ ബ്രൂസ് സ്പ്രിങ്സ്റ്റീന്‍ ഓസ്‌ട്രേലിയയില്‍ എത്തിയപ്പോള്‍ ലഭിച്ചതിനേക്കാള്‍ മികച്ച സ്വീകരണമാണ് പ്രധാനമന്ത്രിക്ക് ലഭിച്ചതെന്ന് പറഞ്ഞ ആന്റണി ആല്‍ബനീസി, നരേന്ദ്രമോദി ബോസാണെന്നും അഭിപ്രായപ്പെടുകയായിരുന്നു. ഒന്‍പത് വര്‍ഷത്തിനിടെ ഇത് രണ്ടാം തവണയാണ് നരേന്ദ്രമോദി ഓസ്‌ട്രേലിയയില്‍ സന്ദര്‍ശനം നടത്തിയത്.
