കോഴിക്കോട്: കോഴിക്കോട് 2 കുട്ടികളെ പീഡിപ്പിച്ച കേസില് 63 കാരന് 40 വര്ഷം കഠിന തടവും 10 ലക്ഷം രൂപ പിഴയും ശിക്ഷ. പത്ത് വയസുള്ള രണ്ടു കുട്ടികളെ ലൈംഗികമായി പീഡിപ്പിച്ച കേസില് നടുവണ്ണൂര് മലപ്പാട്ട് കരുവടിയില് പുഷ്പരാജനെയാണ് (63)കൊയിലാണ്ടി ഫാസ്റ്റ് ട്രാക്ക് സ്പെഷ്യല് കോടതി ജഡ്ജ് ടി.പി. അനില് ശിക്ഷിച്ചത്. രണ്ട് കേസുകളിലായി ഇരുപതു വര്ഷം വീതം കഠിന തടവും അഞ്ചു ലക്ഷം രൂപ വീതം പിഴയുമാണ് വിധിച്ചത്. 2018 ലാണ് കേസിനാസ്പദ സംഭവം നടന്നത്.
പ്രതി വീട്ടില് ആളില്ലാത്ത സമയത്ത് പല തവണകളായി കുട്ടികളെ ലൈംഗികമായി പീഡിപ്പിക്കുകയായിരുന്നു. പീഡന വിവരം പുറത്തു പറഞ്ഞാല് കൊന്നു കളയും എന്ന് പറഞ്ഞ് പ്രതി കുട്ടികളെ ഭീഷണിപ്പെടുത്തുകയും ചെയ്തിരുന്നു. കുട്ടികളില് ഒരാള് പിന്നീട് പീഡന വിവരം സഹോദരിയെ അറിയിക്കുകയായിരുന്നു. ഇവരാണ് വിവരം പോലീസില് അറിയിച്ചത്. ബാലുശ്ശേരി പോലീസാണ് കേസ് രജിസ്റ്റര് ചെയ്തത്.
