കൊല്ലം: പ്രായപൂര്ത്തിയാകാത്ത പെണ്കുട്ടിയെ ബലാത്സംഗം ചെയ്ത കേസില് യുവാവ് റിമാന്ഡില്. തേവള്ളി മില്മ ഡെയറിക്ക് സമീപം ടി.ആര്.എ 178 ല് വാടകക്ക് താമസിക്കുന്ന മെഡ്വിനെ (20) ആണ് കൊല്ലം വെസ്റ്റ് പോലീസ് പിടികൂടിയത്. പ്രായപൂര്ത്തിയാകാത്ത പെണ്കുട്ടിയെ ബലാത്സംഗം ചെയ്ത് പിന്നീട് ഗര്ഭച്ഛിദ്രം നടത്തിയെന്നാണ് ഇയാള്ക്കെതിരായ കേസ്.
പെണ്കുട്ടിയുടെ പിതാവ് നല്കിയ പരാതിയുടെ അടിസ്ഥാനത്തില് കൊല്ലം വെസ്റ്റ് പോലീസ് ആണ് കേസ് രജിസ്റ്റര് ചെയ്തത്. ഗര്ഭച്ഛിദ്രത്തിന് സഹായം നല്കിയ പെണ്കുട്ടിയുടെ മാതാവ് ഉള്പ്പെടെയുള്ളവര്ക്കെതിരെയും നടപടി ആരംഭിച്ചു. കൊല്ലം വെസ്റ്റ് സബ് ഇന്സ്പെക്ടര് അനീഷിന്റെ നേതൃത്വത്തില് സുനില്, വിനോദ്, പ്രമോദ് എന്നിവരടങ്ങിയ സംഘമാണ് പ്രതിയെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
