കൊച്ചി: കൊച്ചിയില് പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസില് യുവാവിനെ പൊലീസ് അറസ്റ്റ് ചെയ്തു. തോപ്പുംപ്പടി നസ്രത്ത് സ്വദേശി നിന്സണ് എന്നു വിളിക്കുന്ന ലൂയിസ് പീറ്ററിനെ(27)യാണ് പോലീസ് അറസ്റ്റ് ചെയ്തത്. എറണാകുളം സ്വദേശിനിയായ പ്രായപൂര്ത്തിയാവാത്ത പെണ്കുട്ടിയെ ലൈംഗികമായി പീഡിപ്പിക്കുകയും ഫോട്ടോകള് എടുത്ത് സോഷ്യല് മീഡിയ വഴി പ്രചരിപ്പിച്ചെന്ന കേസിലാണ് നടപടി. തോപ്പുംപടി പോലീസ് ചെന്നൈയിലെത്തിയാണ് പ്രതിയെ അറസ്റ്റ് ചെയ്തത്.
പെണ്കുട്ടിയുടെ പരാതിയില് തനിക്കെതിരെ പോലീസ് കേസെടുത്തെ വിവരം അറിഞ്ഞ് ഒളിവില് പോയ പ്രതി വയനാട്, ചെന്നൈ തുടങ്ങിയ സ്ഥലങ്ങളില് താമസിച്ചു വരികയായിരുന്നു. കൊച്ചി സിറ്റി ഡെപ്യൂട്ടി പോലീസ് കമ്മീഷണര് എസ് ശശിധരന് ഐപിഎസ് ന്റെ നിര്ദ്ദേശപ്രകാരം മട്ടാഞ്ചേരി എസിപി കെ.ആര് മനോജിന്റെ നേതൃത്വത്തില് തോപ്പുംപടി പോലീസ് സ്റ്റേഷനിലെ എസ്. ഐ സെബാസ്റ്റ്യന് പി. ചാക്കോ എ.എസ്.ഐ മാരായ ശ്രീകുമാര്, ഉത്തംകുമാര്, അനില്കുമാര്, സിപിഒമാരായ ബിബിന് മോന്, വിശാല് എന്നിവരടങ്ങിയ സംഘമാണ് പ്രതിയെ പിടികൂടിയത്.
