കണ്ണൂര് : പഴയങ്ങാടി പോലിസ് സ്റ്റേഷന് പരിധിയില് 13 വയസ്സുകാരനെ ബൈക്കിലെത്തിയ യുവാവ് പ്രകൃതി വിരുദ്ധ പീഡനത്തിന് ഇരയാക്കാന് ശ്രമിച്ച സംഭവത്തില് പോലിസ് പോക്സോ കേസെടുത്ത് അന്വേഷണം ആരംഭിച്ചു. ബൈക്കിലെത്തിയ യുവാവ് സ്കൂള് വിട്ട് വീട്ടിലേക്ക് പോകുകയായിരുന്ന 13കാരനെയാണ് പീഡിപ്പിക്കാന് ശ്രമിച്ചത്. ‘കുട്ടിയുടെ രക്ഷിതാക്കളുടെ പരാതിയിലാണ് പോലീസ് പോക്സോ കേസെടുത്ത് അന്വേഷണം തുടങ്ങിയത്.
ഫുട്ബോള് ജേഴ്സി നല്കി പ്രലോഭിപ്പിച്ച് കുട്ടിയെ നഗ്നനാക്കിയ ശേഷം ജേഴ്സി ധരിപ്പിക്കാന് എന്ന വ്യാജേന പീഡിപ്പിക്കുകയായിരുന്നു. കുട്ടി ബഹളം വെച്ചതോടെ ബൈക്കിലെത്തിയ യുവാവ് രക്ഷപ്പെട്ടു. വീട്ടിലെത്തി കുട്ടി വീട്ടുകാരോട് വിവരം പറയുകയും പഴയങ്ങാടി പോലീസില് പരാതി നല്കുകയുമായിരുന്നു. കുട്ടിയുടെ മൊഴി രേഖപ്പെടുത്തിയ ശേഷമാണ് പോലീസ് പോക്സോ നിയമപ്രകാരം കേസെടുത്ത് അന്വേഷണം തുടങ്ങിയത്. സംഭവം നടന്ന സ്ഥലത്തെ സി.സി.ടി.വി ക്യാമറകള് പരിശോധിച്ചു വരികയാണ്.
