വത്തിക്കാന് : യുക്രെയ്നിലെ യുദ്ധക്കളത്തില്നിന്നും മുറിവുകള് കാര്യമാക്കാതെ പ്രാണരക്ഷാര്ഥം ഓടിപ്പോന്ന കുരുന്നുകളെ കാണാന് വലിയ ഇടയനെത്തി. റോമിലെ വത്തിക്കാനില് കുട്ടികളുടെ ആശുപത്രിയില് ചികിത്സയില് കഴിയുന്ന കുരുന്നുകളെ കാണാനായിരുന്നു ഫ്രാന്സിസ് മാര്പാപ്പയുടെ അപ്രതീക്ഷിത സന്ദര്ശനം. ബാംബിനോ ഗെസു ആശുപത്രിയിലാണ് അഭയാര്ഥികളായ കുരുന്നുകളെ പ്രവേശിപ്പിച്ചിരിക്കുന്നത്. യുദ്ധം ആരംഭിച്ചതിനു ശേഷം യുക്രെയ്നില്നിന്നുള്ള അമ്ബതോളം കുട്ടികളാണ് ഇവിടെ ചികിത്സ തേടിയത്. നിലവില് 19 കുട്ടികള് ഇവിടെ ചികിത്സയിലുണ്ട്. അര്ബുദ ചികിത്സയ്ക്കായി യുദ്ധത്തിന്റെ ആദ്യനാളുകളില് എത്തിയവരും യുദ്ധത്തില് മുറിവേറ്റവരും ഇക്കൂട്ടത്തിലുണ്ട്. യുദ്ധത്തില് മുറിവേറ്റ കുട്ടികള്ക്കായി പ്രാര്ഥിക്കാന് മാര്പാപ്പ ആഹ്വാനം ചെയ്തു.
