കണ്ണൂര് : പാര്ട്ടി കോണ്ഗ്രസിന്റെ ഭാഗമായുള്ള സെമിനാറില് ഐഎന്ടിയുസി നേതാവ് ആര്.ചന്ദ്രശേഖരനെ കോണ്ഗ്രസ് നേതൃത്വം വിലക്കിയത് ദൗര്ഭാഗ്യകരമാണെന്ന് സിപിഐ എം ജില്ലാ സെക്രട്ടറി എം.വി ജയരാജന് പറഞ്ഞു. സെമിനാറില് പങ്കെടുക്കാന് പയ്യന്നൂരില് അദ്ദേഹം എത്തിയെങ്കിലും പങ്കെടുക്കരുതെന്ന് കെപിസിസി പ്രസിഡന്റു തന്നെ നിര്ദേശിച്ചുവെന്നാണ് മനസിലാക്കുന്നത്. സംഘാടകരോടും സെമിനാറില് പങ്കെടുക്കുന്നവരോടും ഇത്തരമൊരു അസാധാരണ സാഹചര്യമുണ്ടായതില് ഖേദം പ്രകടിപ്പിച്ചാണ് അദ്ദേഹം മടങ്ങിയത്.
ജമാ അത്തെ ഇസ്ലാമി, ബിജെപി നേതാക്കളുമായടക്കം വേദിപങ്കിടുന്ന കോണ്ഗ്രസാണ് ഇത് ചെയ്യുന്നത്. കെ.സുധാകരന് ആര്എസ്എസ് നേതാവ് വത്സന് തില്ലങ്കേരിയുമായി വേദി പങ്കിട്ടിട്ടുണ്ട്. ആശയസംവാദങ്ങളുടെ വേദിയെപ്പോലും കോണ്ഗ്രസുകാര് ഭയക്കുന്നുവെന്നതിന്റെ തെളിവാണിത്. സംവാദങ്ങളെ ഭയക്കുകയും വിവാദങ്ങളുടെ പിന്നാലെ പോവുകയും ചെയ്യുന്ന കോണ്ഗ്രസിന് കേരളത്തില് ഉത്തര്പ്രദേശിനേക്കാള് വലിയ പതനമായിരിക്കും ഉണ്ടവുകയെന്നും എം.വി ജയരാജന് പറഞ്ഞു.
