സരന്: ബീഹാറിലെ സരന് ജില്ലയിലെ ഭൂവല്പൂര് ഗ്രാമത്തില് വ്യാജമദ്യം കുടിച്ച് നാല് പേര് മരിച്ചു. നിരവധി പേര്ക്ക് ആരോഗ്യപ്രശ്നങ്ങളുണ്ട്. എല്ലാവരെയും ആശുപത്രിയില് പ്രവേശിപ്പിച്ചു. കൂടുതല് പേര് ഇനിയും മരിക്കാനിടയുണ്ടെന്നാണ് പോലിസ് കരുതുന്നത്. കാമേശ്വര് മഹാതൊ, റോഹിത് സിങ്, രാജേന്ദ്ര രാം, അല്ലാവുദ്ദീന് ഖാന് തുടങ്ങിയവരാണ് മരിച്ചത്. ഇതില് ആദ്യ മൂന്ന് പേര് ഭൂവല്പൂര് നിവാസികളാണ്. അലാവുദ്ദീന് ഖാന് ഓദ്ദ ഗ്രാമവാസിയാണ്. ആഗസ്ത് 4ാം തിയ്യതി വരെ മകെര് പോലീസ് സ്റ്റേഷന് പരിധിയില് 13 പേര് വ്യാജമദ്യം സേവിച്ച് മരിച്ചു. 15 പേര്ക്ക് കാഴ്ച നഷ്ടപ്പെട്ടു. വ്യാജമദ്യദുരന്തത്തിന്റെ പേരില് കേന്ദ്ര മന്ത്രി ഗിരിരാജ് സിങ് നിതീഷ് കുമാര് സര്ക്കാരിനെ വിമര്ശിച്ചു.
