തിരുവനന്തപുരം : പോലീസ് നിയമ ഭേദഗതിക്കെതിരെ നിലപാടുമായി സിപിഐ. പോലീസ് ആക്ട് ഭേദഗതിയില് അവ്യക്തതയുണ്ടെന്നും ആശയക്കുഴപ്പങ്ങള് പരിഹരിക്കണമെന്നും സിപിഐ ആവശ്യപ്പെട്ടു. പോലീസ് ആക്ട് ഭേദഗതിയില് അവ്യക്തതയുണ്ടെന്ന് പറഞ്ഞ ബിനോയ് വിശ്വം വിജ്ഞാപനത്തില് ആവശ്യമായ മാറ്റം വരുത്തണമെന്നും നിലപാടെടുത്തു. മാധ്യമ സ്വാതന്ത്ര്യത്തിനും അഭിപ്രായ സ്വാതന്ത്ര്യത്തിനും എതിരാണ് ഭേദഗതിയെന്ന കടുത്ത വിമര്ശനം ഉയര്ന്നതിന് പിന്നാലെ വിശദീകരണവുമായി മുഖ്യമന്ത്രി പിണറായി വിജയന് തന്നെ രംഗത്തെത്തിയിരുന്നു.
