തിരുവനന്തപുരം: ഡബ്ബിങ് ആര്ട്ടിസ്റ്റ് ഭാഗ്യലക്ഷ്മിയേയും ദിയാ സനയേയും അറസ്റ്റ് ചെയ്യാന് പോലീസ്. യൂട്യൂബ് ചാനല് വഴി സ്ത്രീകളെ അപമാനിച്ച വിജയ് പി നായര്ക്കെതിരെ നേരത്തെ പോലീസ് കേസെടുത്തിയിരുന്നു. ഭാഗ്യലക്ഷ്മി, ദിയ സന എന്നിവരുടെ പരാതിയില് തമ്പാനൂര് പോലീസാണ് വിജയ് പി നായര്ക്കെതിരെ കേസെടുത്തത്. സ്ത്രീകളോട് അപമര്യാദയയായി പെരുമാറിയതിനാണ് കേസെടുത്തിരിക്കുന്നത്. ഇതിന് പിന്നാലെയാണ് വിജയ് നായരുടെ പരായില് തിരിച്ചു കേസെടുത്തത്. ഭാഗ്യലക്ഷ്മിക്കും ദിയ സനയ്ക്കുമെതിരെ ജാമ്യമില്ലാ വകുപ്പ് പ്രകാരമാണ് കേസ്.
വിവാദ വീഡിയോകള് അപ്ലോഡ് ചെയ്ത യൂട്യൂബ് ബ്ലോഗര് വിജയ് പി നായരുടെ പരാതിയിലാണ് പോലീസ് ഭാഗ്യലക്ഷ്മിക്കും സംഘത്തിനുമെതിരെ കേസെടുത്തിരിക്കുന്നത്. ഭാഗ്യലക്ഷമിയും സംഘവും തന്നെ മര്ദ്ദിച്ചതില് പരാതിയില്ലെന്നും തെറ്റു മനസിലായെന്നുമാണ് വിജയ് പി നായര് ഇന്നലെ മാധ്യമങ്ങളോടും പോലീസിനോടും പറഞ്ഞത്. എന്നാല് അര്ധരാത്രിയോടെ ഇയാള് പരാതിയുമായി പോലീസിനെ സമീപിക്കുകയായിരുന്നു. വിവാദമായ യൂട്യൂബ് വീഡിയോകള് ഷൂട്ട് ചെയ്യുകയും എഡിറ്റ് ചെയ്യുകയും ചെയ്ത വിജയ് പി നായരുടെ മൊബൈല് ഫോണും ലാപ്പ്ടോപ്പും സംഘം കൊണ്ടു പോകുകയും പിന്നീട് പോലീസിന് കൈമാറുകയും ചെയ്തിരുന്നു.
അതിക്രമിച്ചു കടക്കല്, ഭീഷണി, കൈയേറ്റം ചെയ്യല്, മോഷണം എന്നീ വകുപ്പുകള് ചേര്ത്താണ് പോലീസ് കേസെടുത്തത്. ജാമ്യമില്ലാ വകുപ്പ് പ്രകാരം എടുത്ത കേസിന്റെ എഫ്ഐആറില് ഭാഗ്യലക്ഷമിയുടെ പേര് മാത്രമാണ് നിലവിലുള്ളത്. ഭാഗ്യലക്ഷ്മിയും കണ്ടാലറിയുന്ന രണ്ട് പേരും ചേര്ന്നാണ് ആക്രമണം നടത്തിയത് എന്നാണ് എഫ്ഐആറിലുള്ളത്. ആക്ടിവിസ്റ്റുകളായ ദിയാ സന, ശ്രീലക്ഷമി അറയ്ക്കല് എന്നിവരാണ് ഭാഗ്യലക്ഷമിക്കൊപ്പം ഉണ്ടായിരുന്നത്.
