മലപ്പുറം: തിരുവാലി ശ്രീകൈലാസ ക്ഷേത്രത്തില് മോഷണം നടത്തിയ പ്രതികളില് ഒരാള് പോലീസ് പിടിയില്.അരക്കുപറമ്ബ് കാഞ്ഞിരത്തടം സ്വദേശി കണ്ടമംഗലത്ത് മോഹന്കുമാറിനെയാണ് അറസ്റ്റ് ചെയ്തത്. കഴിഞ്ഞ 16 ന് രാത്രിയിലാണ് ക്ഷേത്രത്തില് മോഷണം നടന്നത്.ഓഫീസിന്റെ പൂട്ടുപൊളിച്ച് അകത്തു കടന്ന പ്രതികള് അലമാരിയില് സൂക്ഷിച്ചിരുന്ന ഒരു പവനോളം തൂക്കം വരുന്ന സ്വര്ണ്ണാഭരണങ്ങളും പണവും മോഷ്ടിച്ചു.
ക്ഷേത്രം ഭാരവാഹികളുടെ പരാതിയില് പോലീസ് കേസ് എടുത്ത് പ്രത്യേക അന്വേഷണ സംഘം രൂപീകരിച്ചിരുന്നു. വെള്ളിയാഴ്ച വൈകുന്നേരം പ്രത്യേക അന്വേഷണ സംഘം ഷബീബിനെ പിടികൂടി എടവണ്ണ പോലീസില് ഏല്പ്പിച്ചിരുന്നുവെങ്കിലും ശനിയാഴ്ച രാവിലെ ഷബീബ് പോലിസ് കസ്റ്റഡിയില്നിന്ന് രക്ഷപ്പെട്ടു.അടുത്തിടെ ജയില് മോചിതരായ കുറ്റവാളികളെ കേന്ദ്രീകരിച്ചു നടത്തിയ അന്വേഷണത്തിലാണ് 24 മണിക്കൂറിനകം പ്രതികളെ കണ്ടെത്തി അറസ്റ്റ് ചെയ്യാനായത്.
