പാലാ : വില്പ്പനയ്ക്കായി കൊണ്ടുവന്ന കഞ്ചാവുമായി യുവാക്കള് പോലീസ് പിടിയില്. കോരുത്തോട് കോസടി ആലഞ്ചേരി അരുൺ ജോണി (22), എരുമേലി മുട്ടപ്പള്ളി കരക്കാട്ട് കുന്നേൽ അക്ഷയ് ഫ്രാൻസിസ് (22) എന്നിവരെയാണ് പാലാ പോലീസ് അറസ്റ്റ് ചെയ്തത്.
പാലാ ടൗൺ ഭാഗത്തു വച്ച് കോളേജ് വിദ്യര്ത്ഥികള്ക്ക് വില്പനയ്ക്കായി കൊണ്ടുവന്ന കഞ്ചാവുമായി യുവാക്കളെ പിടികൂടിയതെന്ന് പോലിസ് പറഞ്ഞു. കഞ്ചാവിന്റെ വില്പന തടയുന്നതിന്റെ ഭാഗമായി ഇവിടെ പരിശോധന ശക്തമാക്കിയിരുന്നു. അത്തരത്തില് നടത്തിയ പരിശോധനയാണ് ഇവരെ കുടുക്കിയത്.
പാലാ സ്റ്റേഷൻ എസ്.എച്ച്.ഓ. കെ .പി ടോംസൺ, സബ്ബ് ഇൻസ്പെക്ടർ അഭിലാഷ് എം.ഡി, സിവിൽ പോലീസ് ഓഫീസർമാരായ ജസ്റ്റിൻ, അരുൺ സി.എം, രാഹുൽ, മഹേഷ്, സുമീഷ് മക്മില്ലൻ, ജോഷി മാത്യു എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.
