ശിവമോഗ : കര്ണാടകയിലെ ശിവമോഗ ജില്ലയില് വിദ്വേഷ പ്രസംഗം നടത്തിയ ഭാരതീയ ജനതാ പാര്ട്ടി എംപി പ്രഗ്യാ സിംഗ് ഠാക്കൂറിനെതിരെ പോലീസ് കേസെടുത്തു. ശിവമോഗ ജില്ലാ കോണ്ഗ്രസ് കമ്മിറ്റി പ്രസിഡന്റ് എച്ച്.എസ് സുന്ദരേഷിന്റെ പരാതിയുടെ അടിസ്ഥാനത്തില് കോട്ടെ പോലീസ് സ്റ്റേഷനിലാണ് കേസ് രജിസ്റ്റര് ചെയ്തിരിക്കുന്നതെന്ന് അധികൃതര് അറിയിച്ചു. ഭോപ്പാല് എംപിക്കെതിരെ 153 എ, 153 ബി, 268, 295 എ, 298, 504, 508 എന്നീ വകുപ്പുകള് പ്രകാരമാണ് കേസെടുത്തിരിക്കുന്നതെന്ന് പോലീസ് അറിയിച്ചു. അടുത്തിടെ ഒരു ഹിന്ദു അനുകൂല സംഘടന സംഘടിപ്പിച്ച കണ്വെന്ഷനില് സംസാരിക്കവേയാണ് പ്രഗ്യാ സിംഗ് വിദ്വേഷ പരാമര്ശം നടത്തിയത്. സ്വയം പ്രതിരോധിക്കാന് എല്ലാവര്ക്കും അവകാശമുണ്ടെന്നും വീടുകളില് ആയുധങ്ങള് സൂക്ഷിക്കാനും ബിജെപി എംപി ആഹ്വാനം ചെയ്തിരുന്നു.
നിങ്ങളുടെ വീടുകളില് ആയുധങ്ങള് സൂക്ഷിക്കുക. ഒന്നുമില്ലെങ്കിലും പച്ചക്കറികള് മുറിക്കാന് ഉപയോഗിക്കുന്ന കത്തികളെങ്കിലും മൂര്ച്ചയോടെ സൂക്ഷിക്കുക. എപ്പോള് എന്ത് സാഹചര്യമുണ്ടാകുമെന്ന് അറിയില്ല. സ്വയരക്ഷയ്ക്ക് എല്ലാവര്ക്കും അവകാശമുണ്ട്. ആരെങ്കിലും നമ്മുടെ വീട്ടില് നുഴഞ്ഞുകയറി ആക്രമിച്ചാല് തക്കതായ മറുപടി നല്കുന്നത് നമ്മുടെ അവകാശമാണ് -ഹിന്ദു ജാഗരണ വേദികെ ദക്ഷിണ മേഖലാ വാര്ഷിക സമ്മേളനത്തില് പ്രഗ്യാ സിംഗ് ഠാക്കൂര് പറഞ്ഞു.
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.
