റാന്നി: ചെത്തോങ്കരയിലെ അപകടകെണി ഒഴിവാക്കാന് ഒടുവില് പോലീസ് തീരുമാനം. സംസ്ഥാന പാതയിലെ കൊടുംവളവിലെ ജംങ്ഷനില് ട്രാഫിക് കോണുകള് സ്ഥാപിച്ചു. പുനലൂര്-മൂവാറ്റുപുഴ സംസ്ഥാന പാതയിലെ ചെത്തോങ്കര ജംങ്ഷനിലാണ് കോണുകള് സ്ഥാപിച്ചത്. ഈ വളവ് അപകട ഭീഷണി നേരിടുകയായിരുന്നു. പാതയുടെ ഉദ്ഘാടനത്തിന് ശേഷം ചെറുതും വലുതുമായ നിരവധി അപകടങ്ങള് ഇവിടെ ഉണ്ടായി.
അപകടങ്ങള് തുടര്ക്കഥയായതോടെ പോലീസ് ഇവിടെ ട്രാഫിക് കോണുകള് സ്ഥാപിച്ചിരുന്നു. എന്നാല് വാഹനങ്ങള് ഇവയുടെ മുകളിലൂടെ കയറിയിറങ്ങി എല്ലാം നശിച്ചു പോയിരുന്നു. അതോടെയാണ് പുതിയ കോണുകള് സ്ഥാപിച്ചത്. വാഹനങ്ങള് ഈ വളവില് അമിത വേഗതയിലാണ് കടന്നു പോകുന്നത്. ട്രാഫിക് കോണ് സ്ഥാപിച്ചതോടെ ഇനി വാഹനങ്ങളുടെ അമിത വേഗത ഒഴിവാക്കാന് ആകുമെന്നാണ് അധികൃതരുടെ കണക്കുകൂട്ടല്.
