തിരുവനന്തപുരം : വെഞ്ഞാറമൂട്ടില് നിന്ന് കാണാതായ ആണ്കുട്ടികളെ കണ്ടെത്തി. പാലോട് വനമേഖലയില് നിന്നാണ് ഇവരെ കണ്ടെത്തിയത്. ഇന്നലെ രാവിലെ മുതലാണ് 11,13,14 വയസുള്ള ശ്രീദേവ്, അരുണ്, അമ്പടി എന്നിവരെ കാണാതായത്. അയല്വാസികളായ ഇവര് ബന്ധുക്കളാണ്. പണവും വസ്ത്രങ്ങളും എടുത്തായിരുന്നു കുട്ടികള് വീട്ടില് നിന്ന് പോയത്. വീടിന് സമീപത്തെ സിസിടിവി ദൃശ്യങ്ങള് പോലീസ് പരിശോധിച്ചിരുന്നു. ഇതില് ഒരു കുട്ടിയെ ഇതിനുമുന്പും കാണാതായിട്ടുണ്ട്. പരാതിയുടെ അടിസ്ഥാനത്തില് പോലിസ് റെയില്വേസ്റ്റേഷനിലും ബസ്സ്റ്റാന്ഡുകളിലും അലര്ട്ട് മെസ്സേജ് നല്കിയിരുന്നു. എന്നാല്കുട്ടികള് കൂടുതല് ദൂരം പോയിരിക്കാന് സാധ്യതയില്ലെന്ന ഉദ്ദേശത്തിലാണ് സിസി.ടിവി ദൃശ്യങ്ങളുടെ അടിസ്ഥാനത്തില് വനമേഖലയില് തിരച്ചില് നടത്തിയത്. എന്തിനാണ് വീട്ടില് നിന്ന് പോയതെന്ന് കുട്ടികള് പറഞ്ഞിട്ടില്ല, മൊബൈല് ഗെയിം അടിസ്ഥാനമാക്കിയാണോ യാത്രയായതെന്നും പോലീസ് സംശയിക്കുന്നു.
