പറവൂര് : വടക്കേക്കര ജുമാമസ്ജിദില് അതിക്രമിച്ച് കടക്കാന് ശ്രമിക്കുകയും അസഭ്യം പറയുകയും ചെയ്ത കേസില് പോലീസ് ഉദ്യോഗസ്ഥന് അറസ്റ്റില്. കളമശേരി എ.ആര് ക്യാമ്പിലെ പോലീസ് ഉദ്യോഗസ്ഥനായ തുരുത്തിപ്പുറം പൂമാലില് സിമില്റാമിനെ (38) ആണ് അറസ്റ്റ് ചെയ്തത്. വടക്കേക്കര പോലീസാണ് അറസ്റ്റ് ചെയ്തത്. 13-ന് രാത്രി പത്തരയോടെയാണ് കേസിനാസ്പദമായ സംഭവം. മദ്യലഹരിയില് കാറില് മൂന്നുപേര് ആണ് എത്തിയത്. മറ്റുരണ്ടു പേരും പോലീസ് ഉദ്യോഗസ്ഥര് തന്നെയാണെന്നും അവര്ക്ക് സംഭവത്തില് പങ്കുണ്ടോയെന്ന് അന്വേഷിച്ചു വരികയാണെന്നും പോലീസ് പറഞ്ഞു.
