കൊല്ലം: ചവറയില് പോലീസുകാരന് വൈദ്യുതാഘാതമേറ്റ് മരിച്ചു. ചവറ വട്ടത്തറ പുത്തേഴത്ത് വീട്ടില് സാബുവാണ് (37) മരിച്ചത്.കരുനാഗപ്പള്ളി പോലീസ് സ്റ്റേഷനിലെ സിവില് പോലീസ് ഓഫീസറായിരുന്നു സാബു. വീട്ടില് വെച്ച് ഷോക്കേറ്റ സാബുവിനെ ഉടന് തന്നെ ജില്ലാ ആശുപത്രിയില് എത്തിച്ചെങ്കിലും മരിച്ചു.
നാളുകള്ക്ക് മുമ്പ് പാലക്കാട് രണ്ട് പോലീസുകാര് വൈദ്യുതാഘാതമേറ്റ് മരിച്ചിരുന്നു. കാട്ടുപന്നിയെ പിടിക്കാന് വീട്ടില് സ്ഥാപിച്ച വൈദ്യുത കെണിയില് നിന്നാണ് പോലീസുകാര്ക്ക് ഷോക്കേറ്റത്. സംഭവത്തില് വീട്ടുടമ അറസ്റ്റിലായിരുന്നു. മുട്ടികുളങ്ങര കെ.എ.പി രണ്ട് ബറ്റാലിയനിലെ പോലീസുകാരായ അശോക് കുമാര് (35), മോഹന്ദാസ് (36) എന്നിവരാണ് ഷോക്കേറ്റ് മരിച്ചത്.
