തിരുവനന്തപുരം : സ്വര്ണ്ണക്കടത്ത് വിഷയത്തില് മന്ത്രി കെ ടി ജലീല് രാജിവെയ്ക്കണമെന്ന് ആവശ്യപ്പെട്ട് സംസ്ഥാനമൊട്ടാകെ പ്രതിഷേധങ്ങള് തുടരുകയാണ്. സമരക്കാര്ക്ക് നേരെയുള്ള പോലീസ് അക്രമങ്ങള്ക്കെതിരെ പ്രതിപക്ഷ നേതാവ് രമേശ് ചെന്നിത്തലയും രംഗത്തെത്തി.
കള്ളക്കടത്ത്, അഴിമതി കേസുകളില് മന്ത്രിസഭാംഗങ്ങളും സിപിഎം നേതാക്കന്മാരുടെ മക്കളും കുടുങ്ങിയതോടെ യുവജന പ്രതിഷേധങ്ങള്ക്കു നേരേ പോലീസിനെ ഉപയോഗിച്ച് നരനായാട്ട് നടത്തുകയാണ് പിണറായി വിജയനെന്ന് പ്രതിപക്ഷ നേതാവ് രമേശ് ചെന്നിത്തല തന്റെ ഫേസ്ബുക്ക് പോസ്റ്റില് കുറിച്ചു.
തെരുവുകളില് ചോരപ്പുഴ ഒഴുക്കുകയാണ് പിണറായി സര്ക്കാര് ചെയ്യുന്നത്. ഈ ചോരക്കളി പിണറായി വിജയന് അവസാനിപ്പിക്കണംമെന്നും ചെന്നിത്തല കുറിച്ചു.