കോയിപ്രം : വോളന്റിയേഴ്സ് ദിനത്തിന്റെ ഭാഗമായി കോയിപ്രം പോലീസ് വോളന്റിയേഴ്സിന്റെ നേതൃത്വത്തിൽ വിഷ രഹിതമായ പച്ചക്കറി എന്ന ആശയം മുൻനിർത്തി പൊതുജനങ്ങൾക്ക് പച്ചക്കറി തൈകളും വിത്തുകളും നൽകി നാടിന് മാതൃക ആയി. പരിപാടിയുടെ ഉദ്ഘാടനം കോയിപ്രം എസ് ഐ എ. അനൂപ് നിർവഹിച്ചു. ജനമൈത്രി ബീറ്റ് ഓഫീസർ വി. പി.പരശുറാം, പോലീസുകാരായ സൈഫുദ്ദീൻ, അരുൺ ഗോപി പോലീസ് വോളന്റീർ എബിൻ മാത്യു ഉമ്മൻ എന്നിവർ പ്രസംഗിച്ചു.
കോവിഡിന്റെ ആരംഭകാലം മുതൽ കോയിപ്രം സ്റ്റേഷനിൽ ജോലി നോക്കിവരുന്ന ഇവർ നിരീക്ഷണത്തിൽ കഴിയുന്നവർക്ക് ഭക്ഷ്യ കിറ്റും മരുന്നുകളും, കുട്ടികൾക്ക് ഉള്ള പഠനോപകരണ വിതരണവും മറ്റു സന്നദ്ധ പ്രവർത്തനങ്ങളും ചെയ്തു വരുന്നുണ്ട് . പോലീസ് വോളന്റിയേഴ്സ് ആയ രാഹുൽ നായർ, ജിഷ്ണു ആർ.നായര്, ജിൻസി ആൻ രാജൻ ,അശ്വിനി രാജൻ, ജോൺസി ജോൺസൺ എന്നിവർ നേതൃത്വം നൽകി.
