കൊട്ടാരക്കര: അയിഷാപോറ്റി എം എല്‍ എയെ പോലീസ് സ്റ്റേഷന്‍ ഉദ്ഘാടനത്തിന് വിളിച്ചുവരുത്തി അപമാനിച്ചെന്ന് ആരോപണം. കൊട്ടാരക്കര സൈബര്‍പോലീസ് സ്റ്റേഷന്‍ ഉദ്ഘാടനത്തിനിടെയാണ് സ്ഥലം എം എല്‍ എയായ അയിഷാപ്പോറ്റിയെ അപമാനിച്ചെന്ന് ആരോപണം ഉയര്‍ന്നത്. ഉദ്ഘാടനത്തിനായി ക്ഷണിച്ചെങ്കിലും എം എല്‍ എയെ വെറും കാഴ്ചക്കാരിയാക്കി റൂറല്‍ എസ് പി ഇളങ്കോ നാടമുറിച്ച്‌ പോലീസ് സ്റ്റേഷന്റെ ഉദ്ഘാടനം നിര്‍വഹിക്കുകയായിരുന്നു. വീഡിയോ കോണ്‍ഫറന്‍സിലൂടെ മുഖ്യമന്ത്രി പിണറായി വിജയന്‍ സ്റ്റേഷന്റെ ഉദ്ഘാടനം നിര്‍വഹിച്ചശേഷമായിരുന്നു സംഭവം.
വിളിച്ചുവരുത്തി അപമാനിച്ചെന്നും ജനപ്രതിനിധികളെ ക്ഷണിക്കണമെന്ന തന്റെ ആവശ്യം അംഗീകരിച്ചില്ലെന്നുമാണ് എം എല്‍ എ പറയുന്നത്. പ്രോട്ടോക്കോള്‍ ലംഘനമാണ് ഉണ്ടായതെന്നും ഇതുസംബന്ധിച്ച്‌ മുഖ്യമന്ത്രിക്കും ഡി ജി പിക്കും പരാതി നല്‍കിയിട്ടുണ്ടെന്നും എം എല്‍ എ പറഞ്ഞു.
