തിരുവല്ല : ഫ്രാൻസിസ് മാർപാപ്പായുടെ ജീവിതവും സാക്ഷ്യവും സെമിനാറും അനുസ്മരണവും വൈ എം സി എ ദേശീയ കൗൺസിലിൻ്റെയും ബിലീവേഴ്സ് ചർച്ച് മെഡിക്കൽ കോളജ് ആശുപത്രിയുടെയും ആഭിമുഖ്യത്തിൽ നാളെ ഉച്ചയ്ക്ക് 3.30 ന് ബിലീവേഴ്സ് ആശുപത്രി ആംഫി തിയറ്ററിൽ നടത്തപ്പെടും. വൈ എം സി എ ദേശീയ ട്രഷറാർ റെജി ജോർജിൻ്റെ അധ്യക്ഷതയിൽ കർദ്ദിനാൾ മാർ ജോർജ് ആലഞ്ചേരി ഉദ്ഘാടനം ചെയ്യും ഫാ. ബിജു പി.തോമസ് രചിച്ച ഫ്രാൻസിസ് മാർപാപ്പ സ്നേഹത്തിൻ്റെ പ്രകാശ ഗോപുരം എന്ന ജീവചരിത്ര ഗ്രന്ഥം ഡോ. തിയഡോഷ്യസ് മാർത്തോമ്മ മെത്രാപ്പോലിത്ത മാർ ശാമുവേൽ തെയോഫിലോസ് മെത്രാപ്പോലിത്തായിക്ക് നല്കി പ്രകാശനം ചെയ്യും.
ആർച്ച് ബിഷപ്പ് കുര്യാക്കോസ് മാർ സേവേറിയോസ് വലിയ മെത്രാപ്പോലിത്ത, ആർച്ച് ബിഷപ്പ് ഡോ. തോമസ് മാർ കൂറിലോസ് മെത്രാപ്പോലിത്ത സഭകളുടെ ദേശീയ കൗൺസിൽ അധ്യക്ഷൻ ഡോ. ഗീവറുഗീസ് മാർ യൂലിയോസ് മെത്രാപ്പോലിത്ത എന്നിവർ അനുഗ്രഹ സന്ദേശങ്ങൾ നല്കും. ഡോ. പോൾ മണലിൽ പുസ്തകപരിചയം നടത്തും എന്ന് സംഘാടക സമിതി ചെയർമാർ ഫാ.ഡോ. സിജോ പന്തപ്പള്ളിൽ, ജനറൽ കൺവീനർ ലിനോജ് ചാക്കോ, പ്രോഗ്രാം കൺവീനർ ജോജി പി. തോമസ് എന്നിവർ അറിയിച്ചു.
