പത്തനംതിട്ട : പോപ്പുലർ ഫിനാൻസ് നിക്ഷേപത്തട്ടിപ്പ് കേസ് സർക്കാർ സിബിഐക്ക് കൈമാറാൻ തീരുമാനിച്ചതിന് പിന്നാലെ കേസിലെ അന്വേഷണ ഉദ്യോഗസ്ഥന് സ്ഥലം മാറ്റം കോന്നി പോലീസ് ഇൻസ്പെക്ടർ പിഎസ് രാജേഷിന് ആലുവ ഈസ്റ്റ് സ്റ്റേഷനിലേക്കാണ് സ്ഥലം മാറ്റം.
കേസ് അന്വേഷണത്തിനായി പത്തനംതിട്ട ജില്ലാ പോലീസ് മേധാവിയുടെ നേതൃത്വത്തിൽ പ്രത്യേക സംഘത്തിന് രൂപം നൽകിയപ്പോൾ പോപ്പുലർ ഫിനാൻസ് കേന്ദ്ര ഓഫീസ് പ്രവർത്തിക്കുന്നത് പോലീസ് സ്റ്റേഷൻ പരിധിയിൽ ആയതിനാൽ ഇവിടുത്തെ ഇൻസ്പെക്ടറെ അന്വേഷണ ഉദ്യോഗസ്ഥനായി നിയമിക്കുകയായിരുന്നു. കേസിൽ ഇതുവരെയുള്ള നിർണായക നടപടികളെല്ലാം ഇദ്ദേഹത്തിന് മേൽനോട്ടത്തിലായിരുന്നു നടന്നത്.
പോപ്പുലർ ഫിനാൻസ് ഉടമ റോയി ഡാനിയേലിൻ്റെ രണ്ടാമത്തെ മകളും കേസിലെ മുഖ്യ പ്രതിയുമായ റിയയെ മലപ്പുറത്ത് വെച്ച് പിടികൂടിയത് പി എസ് രാജേഷിനെ നേതൃത്വത്തിലായിരുന്നു. അന്വേഷണത്തിന് നേതൃത്വം കൊടുത്ത ഉദ്യോഗസ്ഥനെ സ്ഥലംമാറ്റിയതിനു പിന്നിൽ പോലീസിലേയും രാഷ്ട്രീയത്തിലെയും ഉന്നതർ ഇടപെട്ടു എന്നാണ് ആക്ഷേപം ഉയരുന്നത്.
