കൊച്ചി : പോപ്പുലര് ഫിനാന്സ് തട്ടിപ്പുകേസില് ഇന്നും പ്രതികള്ക്ക് ജാമ്യം ലഭിച്ചില്ല. കോന്നി പോലീസ് രജിസ്റ്റര് ചെയ്ത ആനിയമ്മ കോശിയുടെ കേസിലാണ് പ്രതികളെ അറസ്റ്റ് ചെയ്തത്. റിമാന്റില് 60 ദിവസം കഴിഞ്ഞതിനാല് സ്വാഭാവിക ജാമ്യം നല്കണമെന്നാണ് പ്രതികളുടെ ആവശ്യം. ജാമ്യം നല്കുന്നതിനെ പ്രോസിക്യൂഷനും ഒപ്പം ആനിയമ്മ കോശിക്കുവേണ്ടി പ്രത്യേകം ഹാജരായ അഡ്വ.മനോജ് വി.ജോര്ജ്ജും അഡ്വ.രാജേഷ് കുമാറും ശക്തമായി എതിര്ത്തു. തുടര്ന്ന് വിശദമായ വാദം കേള്ക്കുന്നതിനുവേണ്ടി കേസ് (18) ബുധനാഴ്ചത്തേക്ക് മാറ്റി.
