കൊച്ചി : പോപ്പുലര് ഫ്രണ്ട് ഓഫ് ഇന്ത്യയുടെ ഹര്ത്താലില് അക്രമം അഴിച്ചുവിട്ട സംഭവത്തില് പോപ്പുലര് ഫ്രണ്ടിന്റെ സ്വത്തുക്കള് ഉടന് ജപ്തി ചെയ്യണമെന്ന അന്ത്യശാസനവുമായി ഹൈക്കോടതി. ജപ്തി നടപടികള് പൂര്ത്തിയാക്കി ജില്ലാ അടിസ്ഥാനത്തിലുള്ള റിപ്പോര്ട്ട് ഉടന് സമര്പ്പിക്കണമെന്നും കോടതി നിര്ദ്ദേശിച്ചു. ജനുവരി 23 നകം റിപ്പോര്ട്ട് നല്കണമെന്നാണ് നിര്ദ്ദേശം. പോപ്പുലര് ഫ്രണ്ട് ഹര്ത്താലിലെ നാശനഷ്ടവുമായി ബന്ധപ്പെട്ട് കോടതി സ്വമേധയാ എടുത്ത കേസ് പരിഗണിക്കുമ്പോഴായിരുന്നു കോടതിയുടെ നിര്ദ്ദേശം. ഹൈക്കോടതി ഡിവിഷന് ബെഞ്ചാണ് ഹര്ജി പരിഗണിച്ചത്. ജപ്തി നടപടികള്ക്കായി നോട്ടീസ് നല്കേണ്ടതില്ലെന്നും ഡിവിഷന് ബെഞ്ച് വ്യക്തമാക്കിയിട്ടുണ്ട്.
സര്ക്കാരിന്റെ ഭാഗത്തു നിന്നും ജപ്തിയ്ക്കായുള്ള നീക്കങ്ങള് ഉണ്ടാകാതിരുന്നതിനെ തുടര്ന്ന് നേരത്തെ കോടതി അതൃപ്തി രേഖപ്പെടുത്തുകയും രൂക്ഷമായി വിമര്ശിക്കുകയും ചെയ്തിരുന്നു. തുടര്ന്ന് നേരിട്ട് ഹാജരായ ആഭ്യന്തര വകുപ്പ് അഡീഷണല് ചീഫ് സെക്രട്ടറി ഡോ.വി.വേണു നടപടി വൈകിയതില് ഹൈക്കോടതിയില് ഖേദം പ്രകടിപ്പിച്ചു. ജനുവരി 15 നുള്ളില് ജപ്തി നടപടികള് പൂര്ത്തിയാക്കുമെന്ന് സര്ക്കാര് ഉറപ്പ് നല്കുകയും ചെയ്തിരുന്നു.
തുടര്ന്ന് നടപടികളിലെ പുരോഗതി പരിശോധിക്കാനായിരുന്നു കേസ് ഇന്ന് വീണ്ടും പരിഗണിച്ചത്. ജസ്റ്റിസ് എ.കെ ജയശങ്കരന് നമ്പ്യാര്, ജസ്റ്റിസ് സിപി മുഹമ്മദ് നിയാസ് എന്നിവരുള്പ്പെട്ട ഡിവിഷന് ബെഞ്ചാണ് ഹര്ജി പരിഗണിക്കുന്നത്. ഹര്ത്താല് ദിനത്തിലെ അക്രമങ്ങളിലുണ്ടായ നഷ്ടം ഈടാക്കാന് സംഘടനയുടെയും സംസ്ഥാന ജനറല് സെക്രട്ടറി എ അബ്ദുല് സത്താറിന്റെയും സ്വത്തുക്കളുടെ ജപ്തി നടപടികള് പൂര്ത്തിയാക്കാനാണ് കോടതി നിര്ദ്ദേശിച്ചിരുന്നത്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033