ഗുരുവായൂര്‍ : ഊര്‍ജതന്ത്ര ക്ലാസിലെത്തിയ അതിഥിയെ പോലീസ് പിടികൂടി വനം വകുപ്പിന് കൈമാറി .എല്‍.എഫ് കോളജിലെ ക്ലാസ് മുറിയിലെത്തിയ മുള്ളന്‍പന്നിയാണ് കുടുങ്ങിയത്. ചൊവ്വാഴ്ച ഉച്ചയോടെയായിരുന്നു സംഭവം. കോളജിലെ പഴയ കെട്ടിടത്തിന്‍റെ ഒന്നാം നിലയിലുള്ള ഊര്‍ജതന്ത്ര ക്ലാസ് മുറിയിലാണ് മുള്ളന്‍പന്നിയെത്തിയത്.
ശബ്ദം കേട്ട് ചെന്ന് നോക്കിയപ്പോഴാണ് കക്ഷിയെ കണ്ടത്. ക്ലാസില്‍ കുട്ടികള്‍ ഉണ്ടായിരുന്നില്ല. കോളജ് അധികൃതര്‍ വിവരം അറിയിച്ചതിനെ തുടര്‍ന്ന് ടെമ്ബിള്‍ പോലീസെത്തി മുള്ളന്‍പന്നിയെ കൂട്ടിലാക്കി. എരുമപ്പെട്ടിയില്‍ നിന്ന് വനം വകുപ്പ് അധികൃതരെത്തി മുള്ളന്‍പന്നിയെ വനത്തില്‍ കൊണ്ടുവിട്ടു.
