കോന്നി : അമ്മമാരുടെയും കുട്ടികളുടെയും സമഗ്ര പോഷകാഹാരം ഉറപ്പുവരുത്തുന്നതിനായി കോന്നി ബ്ലോക്ക് പ്രോജക്ടുകളുടെ നേതൃത്വത്തിൽ സംഘടിപ്പിച്ച പരിപാടിയായ പോഷൻ പക്വാഡ 2026 ജില്ലാ പഞ്ചായത്ത് പ്രസിഡന്റ് ദീനമ്മ റോയ് ഉത്ഘാടനം ചെയ്തു. മിഷൻ പോഷൻ 2.0 പ്രകാരം പോഷകാഹാര അവബോധം, ശൈശവ പരിചരണം, സമുഹ പങ്കാളിത്തം എന്നിവ ശക്തിപ്പെടുത്തുന്നതിനായി വനിതാ ശിശുവികസന മന്ത്രാലയം നടത്തുന്ന രാജ്യവ്യാപക ക്യാമ്പയിനാണ് പോഷൻ പക്വാഡ 2026. ബ്ലോക്ക് പഞ്ചായത്ത് പ്രസിഡന്റ് റോബിൻ പീറ്റർ അധ്യക്ഷത വഹിച്ച യോഗത്തില് പഞ്ചായത്ത് പ്രസിഡന്റ് സുശീല അജി, ബീന സോമൻ, രേഷ്മ എസ്, ബിന്ദു പ്രദീപ്, കോന്നി പഞ്ചായത്ത് വൈസ് പ്രസിഡന്റ് ശോഭ മുരളി, ബ്ലോക്ക് പഞ്ചായത്ത് അംഗങ്ങളായ സുലേഖ വി. നായർ, പ്രിയ എസ് തമ്പി, റോബിൻ മോൻസി, റോസമ്മ ബാബുജി, സൗദ റഹീം, സുമേഷ് എസ്., പഞ്ചായത്ത് അംഗങ്ങള് എന്നിവർ പങ്കെടുത്തു.
പ്രോഗ്രാം ഓഫീസർ നിത ദാസ്, സി.ഡി.പി.ഓ മാരായ സുധാമണി, ജയശ്രീ എസ്., ഡോ.ശിഖ, ഡോ.സന്തോഷ് തുടങ്ങിയവര് ബോധവത്കരണ ക്ലാസ്സുകൾ നയിച്ചു. അങ്കണവാടി പ്രവർത്തകർ, സൂപ്പർവൈസർമാർ, സി.ഡി.പി.ഓ മാർ അങ്കണവാടി എ.എല്.എം.സി അംഗങ്ങൾ, കോളേജ് വിദ്യാർത്ഥിനികൾ എന്നിവർ പങ്കെടുത്തു. ഭക്ഷ്യ വസ്തുക്കളുടെ പ്രദർശനമേള, ആദ്യ ബാല്യകാല പരിചരണം, പോഷണം എന്നിവയെ അടിസ്ഥാനമാക്കിയുള്ള പ്രദർശനം, അങ്കണവാടിയിലെ ഇ.സി.സി.ഇ കരിക്കുലം അടക്കമുള്ള പ്രദർശന മേളയും നടന്നു.
