ചിറ്റാർ : പി.പി.മത്തായിയുടെ മൃതദേഹത്തോട് ജില്ല ഭരണകൂടം അനാദരവാണ് കാണിക്കുന്നതെന്ന് ഐ.എൻ. ടി. യൂ. സി സംസ്ഥാന പ്രസിഡന്റ് ആർ. ചന്ദ്രശേഖരൻ പറഞ്ഞു.
പി.പി മത്തായിയുടെ മരണത്തിന് ഉത്തരവാദികളായവരുടെ പേരിൽ നടപടി സ്വീകരിക്കണമെന്നാവശ്യപ്പെട്ട് ഡി.സി.സിയുടെ നേതൃത്വത്തിൽ ചിറ്റാർ ഫോറസ്റ്റ് സ്റ്റേഷനു മുൻപിൽ നടന്നുവരുന്ന ആറാം ദിവസത്തെ അനിശ്ചിതകാല റിലേ സത്യാഗ്രഹം ഉദ്ഘാടനം ചെയുകയായിരുന്നു അദ്ദേഹം. മരണങ്ങളോട് നമ്മുടെ ഭരണാധികാരികൾ ഏക്കാലവും നീതി പുലർത്തുകയാണ് ചെയ്യുന്നത്. അതിന് വിപരീതമായ സമീപനങ്ങളാണ് പി.പി മത്തായിയുടെ കാര്യത്തിൽ ഉണ്ടായിരിക്കുന്നത്. കൊലയാളികളായ വനപാലകരെ സംരക്ഷിക്കാനാണ് പോലീസും വനംവകുപ്പും ശ്രമിക്കുന്നതെന്ന് അദ്ദേഹം ആരോപിച്ചു.
ഐ.എൻ. ടി. യൂ. സി കോന്നി നിയോജക മണ്ഡലം പ്രസിഡന്റ് ജി. ശ്രീകുമാർ അദ്ധ്യക്ഷത വഹിച്ചു . ഡി.സി.സി പ്രസിഡന്റ് ബാബു ജോർജ്ജ്, ഐ.എൻ .ടി.യു.സി ജില്ല പ്രസിഡന്റ് ഏ.ഷംസുദീൻ , ഐ.എൻ.ടി.യു.സി സംസ്ഥാന ജനറൽ സെക്രട്ടറി ജ്യോതിഷ് കുമാർ മലയാലപ്പുഴ, ഡി.സി.സി വൈസ് പ്രസിഡന്റ് അനിൽ തോമസ് , ഐ.എൻ .ടി.യു.സി ജില്ല ജനറൽ സെക്രട്ടറിമാരായ പി.കെ. ഗോപി , തോട്ടുവാ മുരളി , ഹരികുമാർ പൂതംങ്കര , എ.ഡി. ജോൺ , സെക്രട്ടറിമാരായ ബിനു ചക്കാലയിൽ, മോഹൻകുമാർ കോന്നി , തണ്ണിത്തോട് മാത്യൂ, കോൺഗ്രസ് മണ്ഡലം പ്രസിഡന്റ് ബഷീർ വെള്ളത്തറ, സലിം പി.ചാക്കോ , സി എം മോനച്ചൻ , എം.ആർ ശ്രീധരൻ , എ. ബഷീർ , സലീനാ ഷംസുദീൻ , പി.ഡി ഷിബു , ബിജി മോനച്ചൻ , ഷിനു മാത്യൂ , ജോയൽ മാത്യു മുക്കണരത്ത്, അജിത്ത് മണ്ണിൽ തുടങ്ങിയവർ പ്രസംഗിച്ചു.
ഐ.എൻ .ടി .യു.സി സംസ്ഥാന പ്രസിഡന്റ് ആർ.ചന്ദ്രശേഖരന്റെ നേതൃത്വത്തിലുള്ള സംഘം പി.പി. മത്തായിയുടെ ഭവനത്തിൽ എത്തി കുടു:ബാംഗങ്ങളെ കണ്ട് എല്ലാവിധ പിൻതുണയും അറിയിച്ചു . ഡി.സി.സി പ്രസിഡന്റ് ബാബു ജോർജ്ജ് , ഐ.എൻ.ടി.യൂ. സി ജില്ല പ്രസിഡന്റ് ഏ. ഷംസുദീൻ , അനിൽ തോമസ് , ഹരികുമാർ പൂതംങ്കര , സലിം പി. ചാക്കോ , ബഷീർ വെള്ളംത്തറ എന്നിവർ അദ്ദേഹത്തോടൊപ്പം ഉണ്ടായിരുന്നു.
ആഗസ്റ്റ് 10 തിങ്കളാഴ്ച അനിശ്ചിതകാല റിലേ സത്യാഗ്രഹം രാവിലെ പത്തിന് കെ.പി.സി.സി ജനറൽ സെക്രട്ടറി ജി. രതികുമാർ ഉദ്ഘാടനം ചെയ്യും. കെ.എസ്.യു നിയോജക മണ്ഡലം ഭാരവാഹികളാണ് സത്യഗ്രഹത്തിൽ പങ്കെടുക്കുന്നത് .
