കണ്ണൂര്: കോടിയേരിക്ക് അന്ത്യാജ്ഞലി അര്പ്പിക്കാന് യച്ചൂരി ,കാരാട്ട് തുടങ്ങിയ ദേശീയ നേതാക്കളെത്തി.
മൃതദേഹം വീട്ടില് നിന്ന് കണ്ണൂര് ജില്ലാ കമ്മിറ്റി ഓഫീസിലെത്തിച്ചു. ആയിരക്കണക്കിനാളുകളാണ് വീട്ടിലെത്തി കോടിയേരിക്ക് അന്ത്യാഭിവാദ്യം അര്പ്പിച്ചത്. പതിനൊന്ന് മണിയോടെയാണ് മൃതദേഹം വിലാപയാത്രയായി ജില്ലാ കമ്മിറ്റി ഓഫീസിലേക്ക് കൊണ്ടുപോയത്.
സി പി എം ജനറല് സെക്രട്ടറി സീതാറാം യെച്ചൂരി, മുഖ്യമന്ത്രി പിണറായി വിജയന്, പ്രകാശ് കാരാട്ട്, എം എ ബേബി, പ്രതിപക്ഷ നേതാവ് വി ഡി സതീശന് അടക്കമുള്ള നേതാക്കള് ജില്ലാ കമ്മിറ്റി ഓഫീസിലെത്തിയിട്ടുണ്ട്. കോടിയേരിക്ക് അന്ത്യോപചാരം അര്പ്പിക്കാന് ഗവര്ണര് ആരിഫ് മുഹമ്മദ് ഖാന് ജില്ലാ കമ്മിറ്റി ഓഫിസിലെത്തും. ഇവിടെ രണ്ട് മണിവരെ മൃതദേഹം പൊതുദര്ശനത്തിന് വയ്ക്കും.
ശേഷം മൃതദേഹം സംസ്കരിക്കാനായി പയ്യാമ്പലം കടപ്പുറത്തേക്ക് കൊണ്ടുപോകും. പൂര്ണ ഔദ്യോഗിക ബഹുമതികളോടെയായിരിക്കും സംസ്കാര ചടങ്ങുകള് നടക്കുക. ഇ കെ നായനാരുടെയും ചടയന് ഗോവിന്ദന്റെയും കുടീരങ്ങള്ക്ക് നടുവിലാണ് കോടിയേരിയുടെ അന്ത്യനിദ്ര. സി പി എം കേന്ദ്ര നേതാക്കളടക്കം ചടങ്ങില് പങ്കെടുക്കും. സംസ്കാരത്തിന് ശേഷം അനുശോചന യോഗവും നടക്കും.
