കോട്ടയം: പ്രവാസിയായ വീട്ടമ്മയെ ആക്രമിച്ച കേസില് അറസ്റ്റിലായ പ്രതിയെ സംഭവ സ്ഥലത്തെത്തിച്ച് തെളിവെടുപ്പ് നടത്തി. അറസ്റ്റിലായ പ്രവിത്താനം പാലക്കുഴക്കുന്നേല് ബിബിന് തോമസിനെയാണ് തെളിവെടുപ്പിനായി സംഭവസ്ഥലത്ത്എത്തിച്ചത് .
പ്രവിത്താനം മാര്ക്കറ്റ് ജംഗ്ഷനിലാണ് കേസിനാസ്പദമായ സംഭവം. കേസില് ആദ്യം വീട്ടമ്മയുടെ മൊഴി രേഖപ്പെടുത്താന് പൊലീസ് തയ്യാറായില്ല എന്ന ആക്ഷേപം ഉയര്ന്നിരുന്നു. ഇതേ തുടര്ന്ന് പാലാ ഡിവൈഎസ്പി നേരിട്ട് അന്വേഷണം ഏറ്റെടുക്കുകയായിരുന്നു.
ഡിവൈഎസ്പി സാജു വര്ഗീസ്, സ്റ്റേഷന് ഹൗസ് ഓഫീസര് അനൂപ് ജോസ് എന്നിവരുടെ നേതൃത്വത്തിലുള്ള പൊലീസ് സംഘം കഴിഞ്ഞ ദിവസം പെരിന്തല്മണ്ണയില് നിന്നാണ് പ്രതിയെ അറസ്റ്റ് ചെയ്തത്. അറസ്റ്റിലായ ബിബിന് മുന്പും നിരവധി കേസുകളില് പ്രതിയാണ്.
