ആലുവ : എയര്പോര്ട്ടില്നിന്ന് മെഡിക്കല് കോളജിലേക്കുള്ള യാത്രയില് പ്രവാസി രക്ഷപ്പെടാന് ശ്രമിച്ചു. ബുധനാഴ്ച രാത്രി ഒമ്പതോടെ ദേശീയപാതയില് പുളിഞ്ചോട് കവലയിലാണ് സംഭവം. വിദേശത്തുനിന്നെത്തിയ ഇയാള്ക്ക് പനിയുണ്ടായിരുന്നു. ഇതേതുടര്ന്ന് പരിശോധനക്ക് ആംബുലന്സില് മെഡിക്കല് കോളജ് ആശുപത്രിയിലേക്ക് കൊണ്ടുപോകുകയായിരുന്നു. കോവിഡ് സ്ഥിരീകരിക്കാത്തതിനാല് ഇയാളെ ഡ്രൈവര്ക്കൊപ്പം മുന്വശത്താണ് കയറ്റിയത്. പുളിഞ്ചോടെത്തിയപ്പോള് ഇയാള് ഡ്രൈവറെ ഇടിക്കുകയും ആംബുലന്സ് വേഗത കുറഞ്ഞപ്പോള് ഇറങ്ങി രക്ഷപെടാന് ശ്രമിക്കുകയുമായിരുന്നു.
