കൊച്ചി : പ്രവാസികള് അതിഥി തൊഴിലാളികളല്ലെന്നും അതിനാല് പ്രവാസികള്ക്ക് അതിഥി തൊഴിലാളികള്ക്ക് നല്കുന്ന സംരക്ഷണം നല്കാനാകില്ലെന്നും സര്ക്കാര്. നോര്ക്ക സെക്രട്ടറി കെ. ഇളങ്കോവല് ഇറക്കിയ ഉത്തരവിലാണ് ഈ തീരുമാനമുള്ളത്. പ്രവാസികളും കുടിയേറ്റതൊഴിലാളികളും തമ്മില് നിരവധി വ്യത്യാസമുണ്ടെന്നാണ് ഉത്തരവിൽ പറയുന്നത്. മുഖ്യമന്ത്രിയുടെ അറിവോടെയാണ് ഉത്തരവെന്ന് പ്രതിപക്ഷ നേതാവ് ആരോപിച്ചു. പ്രവാസികള്ക്ക് കോവിഡ് ടെസ്റ്റ് നിര്ബന്ധമാക്കിയതിന് എതിരെയുള്ള ഹര്ജി ഹൈക്കോടതി ഇന്ന് പരിഗണിക്കും. ചീഫ് ജസ്റ്റിസ് ഉള്പ്പെടുന്ന ഡിവിഷന് ബഞ്ചാണ് ഹര്ജി കേള്ക്കുന്നത്.
