കാസർകോട് : കാണാതായ ഗർഭിണിയെ പള്ളിക്കുളത്തിൽ മരിച്ച നിലയിൽ കണ്ടെത്തി. തളങ്കര ബാങ്കോട്ടെ വാടക ക്വാർട്ടേഴ്സിൽ താമസിക്കുന്ന പരേതനായ ഖാലിദിന്റെയും സുബൈദയുടെയും മകൾ ഫമീദയാണ് (28) മരിച്ചത്. മുംബൈ സ്വദേശി റസൂലാണ് ഭർത്താവ്. ഒരുവർഷം മുമ്പാണ് ഇവരുടെ വിവാഹം നടന്നത്. എട്ടുമാസം ഗർഭിണിയായ ഇവരെ ചൊവ്വാഴ്ച മുതലാണ് കാണാതായത്. തിരച്ചിലിനിടെ ബുധനാഴ്ച രാവിലെയാണ് കുളത്തിൽ മരിച്ച നിലയിൽ കണ്ടത്. ബന്ധുക്കളുടെ പരാതിയിൽ കാസർകോട് വനിത പോലീസ് സെൽ കേസെടുത്തു.
