കോന്നി : ഓഗസ്റ്റ് 14,15,16 തീയതികളിലായി കോന്നിയിൽ നടക്കുന്ന പത്തനംതിട്ട ജില്ലാ സമ്മേളനത്തിന്റെ ഒരുക്കങ്ങൾ പുരോഗമിക്കുന്നു. കോന്നിയുടെ നഗര വീഥികളിൽ കൊടിതോരണങ്ങൾ സ്ഥാപിക്കുന്ന ജോലികളും പ്രതിനിധി സമ്മേളന നഗറിൽ അലങ്കാരങ്ങൾ ചെയ്യുന്ന ജോലികളും പുരോഗമിക്കുകയാണ്. സിപിഐ പ്രമുഖ നേതാക്കളുടെ ചിത്രങ്ങൾ ആലേഖനം ചെയ്ത ബോർഡുകൾ അടക്കം സമ്മേളന നഗറിൽ സ്ഥാപിക്കുന്നുണ്ട്. കോന്നിയുടെ നഗര ഹൃദയത്തിൽ അടക്കം കൊടിതോരണങ്ങളാൽ അലങ്കരിക്കും. പത്തനംതിട്ട ജില്ലയുടെ വിവിധ ഭാഗങ്ങളിൽ പല സ്ഥലങ്ങളിലും പ്രചരണ ബോർഡുകളും ഉയർന്നു കഴിഞ്ഞു. ചുവപ്പ് സേനയുടെ അവസാന ഘട്ട പരിശീലനവും നടന്നു കഴിഞ്ഞു.
വിവിധ സെമിനാറുകൾ, പതാക, ബാനർ, ദീപശിഖ ജാഥകൾ, കൊടിമര ജാഥകൾ, റെഡ് വാളണ്ടിയർ മാർച്ച്, വിളംബര ജാഥ, ശതാബ്ദി ആഘോഷ സാംസ്കാരിക സദസ്, പൊതു സമ്മേളനം, പ്രതിനിധി സമ്മേളനം എന്നിവയാണ് നടക്കുക. സി പി ഐ സംസ്ഥാന സെക്രട്ടറി ബിനോയ് വിശ്വം, കെ പ്രകാശ് ബാബു, പി സന്തോഷ് കുമാർ എം പി, പി പി സുനീർ എം പി, മന്ത്രിമാരായ കെ രാജൻ, പി പ്രസാദ്, ഡെപ്യൂട്ടി സ്പീക്കർ ചിറ്റയം ഗോപകുമാർ, മുല്ലക്കരരത്നാകരൻ, കെ ആർ ചന്ദ്രമോഹൻ, സി എൻ ജയ ദേവൻ, ആർ രാജേന്ദ്രൻ, സി കെ ശശിധരൻ, പി ആർ ഗോപിനാഥൻ അടക്കമുള്ള പ്രമുഖ നേതാക്കൾ സമ്മേളനത്തിൽ പങ്കെടുക്കും.
