ഡല്ഹി : ലോക്ക് ഡൗണിനു ശേഷമുള്ള ലോകത്തെ അഭിമുഖീകരിക്കാന് എല്ലാവരും തയ്യാറെടുക്കണമെന്ന് പ്രധാനമന്ത്രി നരേന്ദ്ര മോദി. മെയ് 17 ന് ലോക്ക്ഡൗണ് അവസാനിക്കുന്ന പശ്ചാത്തലത്തില് മുഖ്യമന്ത്രിമാരുമായുളള വീഡിയോ കോണ്ഫറന്സിന് ശേഷം നടത്തിയ പ്രസ്താവനയിലാണ് പ്രധാനമന്ത്രിയുടെ ആഹ്വാനം. കൊവിഡ് വാക്സിന് വികസിപ്പിക്കുന്നതുവരെ സാമൂഹ്യ അകലം മാത്രമാണ് സുരക്ഷിത മാര്ഗമെന്ന് മോദി പറഞ്ഞു.
കൊവിഡിന് ശേഷം ലോകത്തിന് അടിസ്ഥാനപരമായി മാറ്റങ്ങളുണ്ടായി എന്നത് നമ്മള് അറിഞ്ഞിരിക്കണം. ലോക മഹായുദ്ധാനന്തരമെന്നതു പോലെ കൊറോണയ്ക്ക് മുമ്പ്, കൊറോണയ്ക്ക് ശേഷം എന്നിങ്ങനെ ലോകം മാറി. നമ്മള് എങ്ങനെ പ്രവര്ത്തിക്കണമെന്നതില് ഇത് മാറ്റം വരുത്തുമെന്നും മോദി പറഞ്ഞു.
ലോക്ക്ഡൗണ് നിയന്ത്രണങ്ങള് ക്രമേണ പിന്വലിച്ചാലും വാക്സിനോ മറ്റ് പ്രതിരോധ മാര്ഗങ്ങളോ കണ്ടുപിടിക്കാത്തിടത്തോളം കാലം സാമൂഹ്യ അകലമാണ് വൈറസിനെതിരായ ഏറ്റവും വലിയ ആയുധമെന്ന കാര്യം നമ്മള് ഓര്ത്തിരിക്കണമെന്നും അദ്ദേഹം പറഞ്ഞു. മെയ് 15 ന് മുമ്പ് ലോക്ക്ഡൗണ് നിയന്ത്രണങ്ങളില് എന്തൊക്കെ മാറ്റങ്ങള് വരുത്തണമെന്ന് ഓരോ സംസ്ഥാനങ്ങളും വിശദമായി തന്നെ അറിയിക്കണമെന്നും മോദി നിര്ദ്ദേശിച്ചിട്ടുണ്ട്.
