ലഖ്നോ: രാഷ്ട്രപതിയുടെ സന്ദര്ശനത്തിന് മുന്നോടിയായി ഏര്പ്പെടുത്തിയ ഗതാഗത നിയന്ത്രണങ്ങളെ തുടര്ന്ന് ചികിത്സ കിട്ടാതെ രോഗി മരിച്ചു. യു.പിയിലെ കാണ്പൂരിലാണ് രാഷ്ട്രപതി രാംനാഥ് കോവിന്ദിന്റെ സന്ദര്ശനത്തിന് മുന്നോടിയായി ഗതാഗത നിയന്ത്രണം ഏര്പ്പെടുത്തിയത്. മൂന്ന് ദിവസത്തെ സന്ദര്ശനത്തിനായാണ് രാംനാഥ് കോവിന്ദ് യു.പിയിലെത്തിയത്.
വന്ദന മിശ്രയെന്ന 50കാരിയാണ് രാഷ്ട്രപതിയുടെ സന്ദര്ശനത്തെ തുടര്ന്ന് ചികിത്സ കിട്ടാതെ മരിച്ചത്. ശാരീരിക ബുദ്ധിമുട്ട് അനുഭവപ്പെട്ടതിനെ തുടര്ന്ന് ഇവരുമായി കുടുംബം ആശുപത്രിയിലേക്ക് തിരിച്ചു. എന്നാല് ഇവര് സഞ്ചരിച്ചിരുന്ന വഴിയിലൂടെയാണ് രാഷ്ട്രപതിയുടേയും യാത്ര നിശ്ചയിച്ചിരുന്നത്. അതിനാല് വഴിമധ്യേ പോലീസ് ഇവരെ തടയുകയും ചെയ്തു. ഗതാഗത തടസം മറികടന്ന് ആശുപത്രിയിലേക്ക് എത്തുമ്പോഴേക്കും വന്ദന മിശ്ര മരിച്ചിരുന്നു. സംഭവത്തില് ഖേദം പ്രകടിപ്പിച്ച് യു.പി പോലീസും രംഗത്തെത്തിയിട്ടുണ്ട്. ഇത് വലിയൊരു പാഠമാണ്. ഇനി ഇത്തരം സന്ദര്ഭങ്ങള് ആവര്ത്തിക്കാതിരിക്കാന് ശ്രദ്ധിക്കുമെന്ന് കാണ്പൂര് പോലീസ് കമ്മീഷണര് അറിയിച്ചു.
