ന്യൂഡല്ഹി: രാജ്യത്ത് കോവിഡ് ബാധിതര് വന്തോതില് വര്ദ്ധിക്കുന്ന പശ്ചാത്തലത്തില് പ്രധാനമന്ത്രി നരേന്ദ്ര മോദി വീണ്ടും മുഖ്യമന്ത്രിമാരെ കാണും. ഈ മാസം 16, 17 തീയതികളിലാകും പ്രധാനമന്ത്രി സംസ്ഥാനങ്ങളിലെ മുഖ്യമന്ത്രിമാരുമായി ചര്ച്ച നടത്തുക എന്നാണ് സൂചന.
നാലാംഘട്ട ലോക്ക് ഡൗണ് അവസാനിക്കാറായപ്പോള് ആഭ്യന്തര മന്ത്രി അമിത് ഷായാണ് പ്രധാനമന്ത്രിക്ക് പകരമായി മുഖ്യമന്ത്രിമാരുമായി ചര്ച്ച നടത്തിയത്. അതുവരെ പ്രധാനമന്ത്രിയായിരുന്നു മുഖ്യമന്ത്രിമാരുമായി സംസാരിച്ചിരുന്നത്. കോവിഡ് രോഗബാധ രൂക്ഷമാകുന്നത് തടയാനുളള അടിയന്തര നടപടികളാകും മുഖ്യമന്ത്രിമാരുമായി പ്രധാനമന്ത്രി ചര്ച്ച ചെയ്യുകയെന്നാണറിയുന്നത്. കോവിഡ് ഏറ്റവും രൂക്ഷമായ ലോകത്തിലെ നാലാമത്തെ രാജ്യമാണ് ഇന്ത്യ. രോഗികളുടെ എണ്ണത്തില് ബ്രിട്ടനെ മറികടന്ന ഇന്ത്യയില് കോവിഡ് രോഗികളുടെ എണ്ണം 2,97, 535 ആണ്.
