ന്യൂഡൽഹി : സൈനിക സ്കൂളുകളിൽ ഇനി പെൺകുട്ടികൾക്കും പ്രവേശനം. രാജ്യത്തിന്റെ 75 ാം സ്വാതന്ത്ര്യ ദിനത്തിൽ ചെങ്കോട്ടയിൽ നടത്തിയ പ്രസംഗത്തിലാണ് പ്രധാനമന്ത്രി നരേന്ദ്ര മോദി ഈ പ്രഖ്യാപനം നടത്തിയത്. സൈനിക സ്കൂളിൽ പ്രവേശം നൽകണമെന്ന് ആവശ്യപ്പെട്ട് നിരവധി പെൺകുട്ടികൾ തനിക്ക് കത്തെഴുതിയിരുന്നതായി മോദി പറഞ്ഞു. നിലവിൽ 33 സൈനിക സ്കൂളുകളാണ് രാജ്യത്തുള്ളത്. രണ്ടരവർഷം മുമ്പ് പരീക്ഷണ അടിസ്ഥാനത്തിൽ മിസോറാമിലെ സൈനിക സ്കൂളിലാണ് പെൺകുട്ടികൾക്ക് ആദ്യമായി പ്രവേശനം അനുവദിച്ചത്.
