അതിരപ്പിള്ളി : മലക്കപ്പാറയിൽ റോഡിന് നടുവിൽ സ്വകാര്യ ബസ് തടഞ്ഞ കാട്ടാന ഭീതി പരത്തി. വാൽപ്പാറയിൽനിന്ന് ഞായറാഴ്ച രാവിലെ പുറപ്പെട്ട ബസിനു മുന്നിലാണ് ആന നിലയുറപ്പിച്ചത്. രാവിലെ പത്തോടെ ആനക്കയം ഭാഗത്ത് വളവിൽ നിലയുറപ്പിച്ച കാട്ടാനയെ കാണാതെ ബസ് മുന്നിൽപെടുകയായിരുന്നു. ഡ്രൈവർ പെട്ടെന്ന് ബ്രേക്കിട്ടതിനാൽ മാത്രമാണ് ആനയെ ഇടിക്കാതിരുന്നത്.
ബൈക്കിലെത്തിയ വ്ലോഗർമാരുടെ ബഹളമാണ് ആനയെ വിറളി പിടിപ്പിക്കാൻ കാരണമായത്. അൽപനേരം കഴിഞ്ഞ് ആന റോഡിനു വശത്തേക്ക് തിരിഞ്ഞപ്പോൾ ബസ് മുന്നോട്ടെടുക്കാൻ ഡ്രൈവർ ശ്രമിച്ചെങ്കിലും വ്ലോഗർമാരുടെ തടസം കാരണം യാത്ര തുടരാനായില്ലെന്നും പരാതി ഉണ്ട്.
